தமிழகத்தின் சட்டமன்ற தேர்தல்!! -வேட்புமனுத் தாக்கல் நாளை ஆரம்பம்-

தமிழகம், புதுச்சேரியில் சட்டமன்றத் தேர்தலுக்கான வேட்பு மனுத்தாக்கல் நாளை வெள்ளிக்கிழமை காலை 11 மணிமுதல் ஆரம்பமாக உள்ளதாக அறிவிக்கப்பட்டுள்ளது. 

தமிழகத்தின் 234 தொகுதிகளுக்கும் புதுச்சேரியின் 30 சட்டப்பேரவைத் தொகுதிகளுக்கும் ஏப்ரல் 6 ஆம் திதகி வாக்குப்பதிவு நடைபெறுகிறது. 

இந்நிலையில் நாளை வெள்ளிக்கிழமை முதல் 19 ஆம் திகதி வரை மனுத்தாக்கல் நடைபெறுகிறது. காலை 11 மணி முதல் மாலை 3 மணி வரை வேட்புமனுக்கள் பெறப்படும் என்று தேர்தல் ஆணையம் தெரிவித்துள்ளது.

கையளிக்கப்பட்ட வேட்புமனுக்கள் மீதான பரிசீலனை 20 ஆம் திகதி நடைபெறும். மனுக்களைத் திரும்பப் பெற 22 ஆம் திகதி இறுதி நாளாகும். அன்று மாலையே ஏற்றுக் கொள்ளப்பட்ட வேட்பாளர் பட்டியல் வெளியாகும் என்றும் மேலும் அறிவிக்கப்பட்டுள்ளது.