இளைஞர்களுடன் கபடி விளையாடிய நடிகை ரோஜா!! -வலைத்தளங்களில் சக்கைப்போடு போடும் வீடியோ-

திரையுலகிற்கு செம்பருத்தி படம் மூலம் தமிழ் திரையுலகில் முன்னணி கதாநாயகியாக வலம்வந்தவர் நடிகை ரோஜா பல வெற்றிப்படங்களில் நடித்துள்ளார். 

இந்நிலையில் அவர் இயக்குனர் ஆர்.கே.செல்வமணியை காதலித்து திருமணம் செய்த பின் நடிப்பதை குறைத்துக் கொண்டார். பின் ஆந்திர அரசியலில் ஆர்வம் காட்டிய அவர், தற்போது ஜெகன் மோகன் ரெட்டி தலைமையிலான ஒய்.எஸ்.ஆர்.காங்கிரஸ் கட்சியில் நகரி தொகுதி எம்.எல்.ஏ.வாக உள்ளார். 

இந்நிலையில், ரோஜா, நகரி பகுதியில், நடந்த கபடி போட்டியை தொடங்கி வைக்க சென்றிருந்தார். அங்கு வழங்கப்பட்ட வரவேற்பில் ஆரவாரம் அடைந்த ரோஜா, யாரும் எதிர்பாராத நிலையில், திடீரென களத்தில் இறங்கி, அங்கிருந்த இளைஞர்களுடன் கபடி விளையாடியுள்ளார். அவர் இளைஞர்களுடன் கபடி விளையாடும் வீடியோ சமூக வலைத்தளங்களில் வைரலாகி வருகின்றது.