இளம் நடிகருடன் அனுஸ்கா!! -ஆச்சரியத்தில் திரையுலகம்-

தென்னிந்திய சினிமாவின் முன்னணி நடிகைகளுள் ஒருவராக உள்ள அனுஸ்கா பாகுவலி, இஞ்சி இடுப்பழகி, பாகமதி போன்ற படங்களில் நடித்துள்ளார். 

பாகுபலி படத்தின் மூலம் தேவசேனாவாய் உலகளாவிய பெருமையைப் பெற்றவர் அனுஸ்கா. இறுதியான இவர் நடிப்பில் வெளியான சைலன்ஸ் திரைப்படம் தோல்வியை தழுவியது. இதனால் அடுத்து நடிக்கும் படங்களின் கதை தேர்வில் அவர் கவனமாக உள்ளார். 

இந்நிலையில் அனுஸ்கா அடுத்ததாக காதலை மையமாக வைத்து உருவாகும் படத்தில் நடிக்க உள்ளார். இந்த படத்தில் அவருக்கு ஜோடியாக இளம் நடிகர் நவீன் போலிசெட்டி நடிக்க உள்ளார். 

இதுவரை முன்னணி நடிகர்களுடன் நடித்து வந்த அவர், தற்போது இளம் நடிகருக்கு ஜோடியாக நடிக்க ஒப்புக்கொண்டுள்ளமை திரையுலகினரிடையே ஆச்சர்யத்தை ஏற்படுத்தி உள்ளது.