எம்.ஜி.ஆரின் உலகம் சுற்றும் வாலிபன்!! -டிஜிட்டலில் வெளியாகிறது-

எம்.ஜி.ஆரின் பழைய படங்களான ஆயிரத்தில் ஒருவன், நாடோடி மன்னன், ரிக்‌சாக்காரன், நினைத்ததை முடிப்பவன், எங்க வீட்டு பிள்ளை, அடிமைப்பெண் போன்றவை டிஜிட்டலில் வந்தன.

இதுபோல் உலகம் சுற்றும் வாலிபன் படத்தையும் டிஜிட்டலுக்கு மாற்றியுள்ளனர். தற்போது நவீன டால்பி அட்மாஸ் ஒலியுடன் டிஜிட்டலில் மெருகேற்றி ரிறி மூவிஸ் சார்பில் சாய் நாகராஜ் மீண்டும் வெளியிடுகிறார். 

உலகம் சுற்றும் வாலிபன் 1973 ஆம் ஆண்டு திரைக்கு வந்தது. அந்த படத்தில் முருகன், ராஜு என்ற இரு வேடங்களில் எம்.ஜி.ஆர் நடித்திருந்தார். மேலும் லதா, மஞ்சுளா, சந்திரகலா என்று மூன்று கதாநாயகிகள். 

எம்.எஸ்.விஸ்வநாதன் இசையில் படத்தில் இடம்பெற்ற சிரித்து வாழ வேண்டும் பிறர் சிரிக்க வாழ்ந்திடாதே, அவள் ஒரு நவரச நாடகம், தங்க தோணியிலே, பச்சைக்கிளி முத்துச்சரம், நிலவு ஒரு பெண்ணாகி போன்ற பாடல்கள் பட்டிதொட்டியெங்கும் ஒலித்திருந்தமை குறிப்பிடத்தக்கது.