தயாராகும் ஸ்பைடர்மேன் 3 ஆம் பாகம்!! -கிறிஸ்துமஸ் பண்டிகைக்கு வெளியிட முடிவு-

உலகம் முழுவதிலும் அதிக ரசிகர் பட்டாளத்தை கொண்ட ஹாலிவுட் படமான ஸ்பைடர் மானின் 3 ஆம் பாகம் தற்போது தயாராகி வருகின்றது.

இப்படத்தின் 2 ஆம் பாகத்தில் நடித்த டாம் ஹாலண்ட், ஜிண்டாயா, ஜேகப், மாரிஸா டோமி ஆகியோர் 3 ஆம் பாகத்தில் நடிக்கிறார்கள். இந்த நிலையில் படப்பிடிப்பில் எடுக்கப்பட்ட புகைப்படங்களை டாம் ஹாலண்ட், ஜிண்டாயா, ஜேகப் ஆகியோர் தங்கள் இன்ஸ்டாகிராம் பக்கத்தில் வெளியிட்டு ஸ்பைடர்மேன் போன் ஹோம், ஸ்பைடர்மேன் ஹோம் ரெக்கர், ஸ்பைடர்மேன் ஹோம் ஸ்லைஸ் ஆகிய 3 பெயர்களையும் பகிர்ந்தனர். 

இதனால் ஒரு படத்துக்கு மூன்று தலைப்புகளா என்று ரசிகர்கள் குழப்பம் அடைந்தனர். ஸ்பைடர் மேன் 3 என்ற ஹேஸ்டேக்கும் உலக அளவில் டிரெண்டிங் ஆனது.

இந்த நிலையில் ஸ்பைடர்மேன் 3 ஆம் பாகம் படத்துக்கு ஸ்பைடர்மேன் நோ வே ஹோம் என்ற தலைப்பு வைக்கப்பட்டுள்ளது. இந்த படம் கிறிஸ்துமஸ் பண்டிகையில் திரைக்கு வரும் என்றும் நேற்று வியாழக்கிழமை அதிகாரப்பூர்வமாக அறிவிக்கப்பட்டுள்ளது.