நடிக்க உடம்பில் தெம்பு உள்ளது!! -யாரும் வாய்ப்பு தருவதில்லை என கண்கலங்கிய வடிவேலு-

அண்மையில் நிகழ்ச்சி ஒன்றில் பங்கேற்ற நகைச்சுவை நடிகர் வடிவேலு தனக்கு பட வாய்ப்பு கிடைக்காதது குறித்து உருக்கமாக பேசியுள்ளார்.

தமிழ் பட உலகில் முன்னணி நகைச்சுவை நடிகராக வலம்வந்த வடிவேலுக்கு வயதானவர்கள் முதல் குழந்தைகள் வரை அனைத்து வயதிலும் ரசிகர்கள் உள்ளனர்.

இந்நிலையில் இம்சை அரசன் 24-ம் புலிகேசி படத்தில் நடிக்க அவர் மறுத்ததால் இயக்குனர் சங்கர் அளித்த புகாரின் பேரில் வடிவேலுவை புதிய படங்களுக்கு ஒப்பந்தம் செய்ய தயாரிப்பாளர் சங்கம் தடை விதித்தது.

இந்த நிலையில், சமீபத்தில் நிகழ்ச்சி ஒன்றில் பங்கேற்ற வடிவேலு, “உங்களுக்கெல்லாம் ஒரு வருடம் தான் லாக்டவுன். ஆனால் நான் பத்து வருடமா லாக்டவுனிலேயே தான் இருக்கிறேன். 

இப்போதும் நடிக்க உடம்பில் தெம்பு இருக்கு, ஆனால் யாரும் வாய்ப்பு தருவதில்லை எனக் கலைப்பட்ட வடிவேலு, கர்ணன் படத்தில் வரும் உள்ளத்தில் நல்ல உள்ளம் பாடலில் வஞ்சத்தில் வீழ்ந்தேனடா என்ற வரியை பாடும்போது கண்கலங்கியுள்ளார்.