பட்டாசு தொழிற்சாலை திடீர் வெடி விபத்து!! -பலி எண்ணிக்கை 11 ஆக உயர்வு-

விருதுநகர் மாவட்டம் சாத்தூர் பகுதியில் உள்ள பட்டாசு ஆலை ஒன்றில் இன்று வெள்ளிக்கிழமை பிற்பகல் ஏற்பட்ட வெடி விபத்தில் பலியானவர்கள் எண்ணிக்கை 11 ஆக உயர்ந்தது.

வழக்கம்போல் ஆலையில் பட்டாசு உற்பத்தி மேற்கொள்ளப்பட்ட போது பட்டாசுகளுக்கு மருந்து செலுத்தும்போது உராய்வு ஏற்பட்டு திடீரென வெடி விபத்து ஏற்பட்டது.

அந்த அறையில் ஏற்பட்ட தீ அடுத்தடுத்த அறைகளுக்கும் பரவியது. இதனால் அடுத்தடுத்து உள்ள 6 அறைகளிலும் பட்டாசுகள் வெடித்துச் சிதறியுள்ளது. 

இதில், பெண் உள்பட 11 தொழிலாளர்கள் சம்பவ இடத்திலேயே உடல் கருகி உயிரிழந்தனர். இந்த விபத்தில் 34 பேர் காயமடைந்துள்ளனர். 

தகவலறிந்த ஏழாயிரம்பண்ணை பொலிஸார் மற்றும் சாத்தூர், சிவகாசி, கோவில்பட்டி தீயணைப்பு படையினர் விரைந்து சென்று மீட்புப் பணியில் ஈடுபட்டனர்.

உயிரிழந்தவர்களின் உடலகள் மற்றும் காயம்பட்ட நபர்கள் அனைவரும் மீட்கப்பட்டு கோவில்பட்டி அரச வைத்தியசாலைக்கு அனுப்பிவைக்கப்பட்டனர்.