மலை உச்சியில் தனி வீட்டில் காஜலுக்கு நடந்தது என்ன? -படப்பிடிப்பில் நடந்ததை சம்பவம்-
மிரட்டும் திகில் வெப் தொடரில் பேயாக நடித்த நடிகை காஜல் அகர்வால் தான் நடித்த படத்தின் பயங்கர அனுபவங்கள் தொடர்பில் தெரிவித்துள்ளார்.
நடிகை காஜல் அகர்வால் வெங்கட் பிரபு இயக்கிய லைவ் டெலிகாஸ்ட் என்ற திகில் வெப் தொடரில் பேயாக நடித்த பயங்கர அனுபவங்கள் குறித்து கூறியுள்ளார்.
அதாவது:- இந்த தொடருக்கான படப்பிடிப்பை நடத்த மலை உச்சியில் உள்ள ஒரு வீட்டை தேர்வு செய்தனர். அந்த வீடு தனியாக பயங்கரமாக இருந்தது.
பெரும்பகுதி படப்பிடிப்பு அங்குதான் நடந்தது. அந்த இடம் என்னை பயமுறுத்துவதாக இருந்தது. படப்பிடிப்பு முடிந்த பின் திகில் படத்தில் நடித்த அச்சத்தினால் என்னால் பல நாட்கள் சரியாக தூங்க முடியவில்லை.
படப்பிடிப்பு இல்லாத நேரத்திலும் அந்த வீட்டில் நான் தனியாக இருப்பது போன்ற பிரமை என்னை தொடர்ந்து பயமுறுத்திக் கொண்டே இருந்தது. அதை இப்போது நினைத்தாலும் எனக்கு குலை நடுக்கமாக உள்ளது. தொடரை பார்க்கும் ரசிகர்களுக்கும் இந்த பயம் வரும் என்று தெரிவித்தார்.
