ஹோட்டலுக்குள் திடீரென புகுந்த சிங்கம்!! -வலைதளங்களில் வைரலாகும் அதிர்ச்சி வீடியோ-

இந்தியாவின் குஜராத் மாநிலத்தில் உள்ள சொகுசு ஹோட்டலுக்குள் சிங்கம் ஒன்று வந்துவிட்டு மீண்டும் வெளியே செல்லும் காட்சிகள் சமூக வலைதளங்களில் வெளியாகியுள்ளது. 

குஜராத் மாநிலத்தில் உள்ள ஜூனாகத் மாவட்டத்தில் கிர்னார் மலையடிவாரத்தில் கிர் சிங்க சரணாலயத்தில் ஆசிய சிங்கங்களில் நிறைய அரிய வகை சிங்கங்கள் வாழ்ந்து வருகின்றன.

அதற்கு அருகில் தனியார் சொகுசு ஹோட்டலுக்குள் கடந்த திங்கட்கிழமை அதிகாலை சிங்கம் ஒன்று கதவுக்கு மேலாக பாய்ந்து உள்ளே வந்துவிட்டு மீண்டும் வெளியே சென்றுள்ளது. அந்த காட்சி அங்குள்ள சிசிடிவி கமராவில் தெளிவாக பதிவாகியுள்ளது. அது தற்போது இணையத்தில் வைரலாகி வருகிறது.

அந்த சிங்கத்தால் ஹோட்டலில் தங்கியிருந்தவர்களுக்கு ஏதேனும் அசம்பாவிதம் நடந்ததா என்பது தொடர்பில் இதுவரை தகவல் எதுவும் வெளியாகவில்லை.