வலிமை படத்தின் ஓப்பின் சோங் ரெடி!! -சரியான மாஸ் பாட்டு என்கிறார் யுவன்-

அல்டிமெட் ஸ்டார் அஜித் நடிப்பில் உருவாகி வரும் வலிமை படத்தின் மாஸ் அப்டேட்டை இசையமைப்பாளர் யுவன் சங்கர் ராஜா கொடுத்துள்ளார்.

இயக்குனர் ஹெச்.வினோத்தின் இயக்கத்தில் அஜித் நடிப்பில் உருவாகி வரும் வலிமை படத்தின் இறுதிக்கட்டப் படப்பிடிப்பு நடைபெற்று வருகிறது. இதில் அஜித் சம்பந்தப்பட்ட முக்கியமான காட்சிகளைப் படமாக்கி வருகிறார்கள். 

இருப்பினும் இப்படத்தின் எந்த அப்டேட்டும் படக்குழுவினர் இதுவரை வெளியிடவில்லை. இதனால் ரசிகர்கள் விரக்தியில் தயாரிப்பாளர் போனி கபூர் எந்தவொரு ட்வீட் செய்தாலும், அதற்குப் பதிலாக 'வலிமை அப்டேட்' என்று கேள்வி கேட்கத் ஆரம்பித்துள்ளனர். 

இந்நிலையில் வலிமை படத்தின் அறிமுகப் பாடலை யுவன் இசையமைத்து முடித்துள்ளார். அந்h பாடால் அதிரடியான, ஒரு துள்ளலிசைப் பாடலாக, ரசிகர்களுக்கான விருந்தாக இருக்கும் என்று யுவன் கூறியுள்ளார். 

ஒடிசாவில் திருவிழாக் காலங்களில் வாசிக்கும் ட்ரம்ஸ் இசைக் கலைஞர்கள் இந்தப் பாடலில் பங்கெடுத்துள்ளனர். இது ஒரு சரியான மாஸ் பாட்டு என்று யுவன் கூறியுள்ளார். யுவனின் இந்த அறிவிப்பு அஜித் ரசிகர்களுக்கு உற்சாகத்தை கொடுத்துள்ளது.