மறுஜென்மம் எடுத்தது போல் உள்ளது!! -மனதில் பட்டதை சொல்லும் ராய் லட்சுமி-

கொரோனா வைரஸ் தொற்றுக்கு உள்ளாகி மீண்டுள்ள நடிகை ராய் லட்சுமி, உயிரோடு இருப்பதே பெரிய விடயம் என்று ஆகிவிட்டதாக தெரிவித்துள்ளார். 

இது குறித்து அவர் மேலும் தெரிவிக்கையில்:- கொரோனா எல்லோருக்கும் புதிதாக அதிக பாடம் கற்றுக்கொடுத்துள்ளது. சமூகத்தில் யார் எதை செய்ய வேண்டும். எதை செய்ய கூடாது என்பதையும் உணர வைத்துள்ளது. 

மனிதாபிமானமும், மற்றவர்களுக்கு உதவிகள் செய்வதும் அதிகமாகி இருக்கிறது. சினிமா துறை மட்டுமன்றி சகல துறைகளில் இருப்பவர்களையும் தம்மிடம் இருப்பதை மற்றவர்களுக்கு பகிர்ந்து கொடுக்க வேண்டும் என்று உணர வைத்து இருக்கிறது. 

கொரோனா கற்றுக்கொடுத்த பாடத்தை எப்போதும் மறக்கக்கூடாது. எல்லோருமே எதை மறந்தோமோ அதை கொரோனா ஞாபகப்படுத்தியுள்ளது. கொரோனாவை திட்டுவதை விட அது வந்து பல நல்ல விடயங்களை சொல்லி கொடுத்துவிட்டு போய் இருக்கிறது என்பதை நினைவில் கொள்ள வேண்டும். 

எல்லோரும் ஏதோ மறுஜென்மம் எடுத்து இருக்கிற மாதிரியும் உயிரோடு இருப்பதே பெரிய விடயம் என்று சந்தோசப்படும் நிலையை ஏற்படுத்தியுள்ளது என்றுள்ளார்.