இரண்டு படங்களும் ஒரே நாளில் ரிலீஸ்!! -பூரிப்பில் நிதி அகர்வால்-

நடிகை நிதி அகர்வால் நடித்த இரண்டு தமிழ் படங்களும் ஒரே நாளில் வெளியாகவுள்ளதாக அறிவிக்கப்பட்டுள்ளது. 

அவர் இந்தியில் மைக்கேல் என்ற படம் மூலம் திரையுலகில் கதாநாயகியாக அறிமுகமானார். பின்னர் தெலுங்கில் பூரி ஜெகன்நாத் இயக்கத்தில் கடந்தாண்டு வெளியான ஐ ஸ்மார்ட் சங்கர் படத்தில் நடித்தார். 

‘ஐ ஸ்மார்ட் சங்கர்’ படத்தின் வெற்றிக்கு பின் அவர் தமிழில் ஒப்பந்தமான முதல் படம் பூமி. ஜெயம் ரவி நாயகனாக நடித்துள்ள இப்படத்தை லட்சுமண் இயக்கி உள்ளார். 

கடந்த மே மாதமே இப்படத்தை வெளியிட திட்டமிட்டிருந்தனர். இருப்பினும் கொரோனா பரவல் காரணமாக nளியீடு பிற்போடப்பட்டது. 

இந்நிலையில், பூமி படம் எதிர்வரும் 14 ஆம் திகதி தைபொங்கலன்று நேரடியாக ஓடிடி-யில் வெளியிடப்படவுள்ளது. 

இதேபோல் சுசீந்திரன் இயக்கத்தில் நிதி அகர்வால் சிம்புவுக்கு ஜோடியாக நடித்துள்ள ‘ஈஸ்வரன்’ படமும் அதே நாளன்று தியேட்டரில் வெளியாகவுள்ளது.