இந்தியாவில் புதிதாக 21,821 பேருக்கு கொரோனா!! -299 பேர் பலி-

இந்தியாவில் இன்று வியாழக்கிழமை புதிதாக மேலும் 21,821 பேருக்கு கொரோனா வைரஸ் தொற்று உறுதி செய்யப்பட்டுள்ளதாக மத்திய சுகாதாரத்துறை அமைச்சகம் தகவல் தெரிவித்துள்ளது.

அங்கு கடந்த 24 மணி நேரத்தில் புதிதாக 21,821 பேருக்கு கொரோனா தொற்று உறுதி செய்யப்பட்டுள்ளது. இதன்மூலம் மொத்த கொரோனா பாதிப்பு எண்ணிக்கை 1,02,66,674 ஆக அதிகரித்துள்ளது. 

அதேபோல், தொற்று பாதிப்பால் நேற்று புதன்கிழமை ஒரே நாளில் 299 பேர் உயிரிழந்துள்ளனர். இதன்மூலம் உயிரிழந்தோர் மொத்த எண்ணிக்கை 1,48,738 ஆக உயர்ந்துள்ளது. 

இந்தியாவில் ஒரே நாளில் 26,139 பேர் டிஸ்சார்ஜ் செய்யப்பட்டநிலையில், கொரோனாவில் இருந்து குணமடைந்தவர்களின் மொத்த எண்ணிக்கை 98,60,280 ஆக உயர்ந்துள்ளது. மேலும் கொரோனா வைரஸ் தொற்றுக்கு 2,57,656 பேர் சிகிச்சை பெற்று வருவதாக மத்திய சுகாதார அமைச்சகம் தெரிவித்துள்ளது.

இந்தியாவில் இதுவரை 17 கோடியே 20 இலட்சத்து 49 ஆயிரத்து 274 கொரோனா பரிசோதனைகள் செய்யப்பட்டுள்ளன என்றும், அதில் நேற்று ஒருநாளில் மட்டும் 11,27,244 மாதிரிகள் பரிசோதிக்கப்பட்டதாக இந்திய மருத்துவ ஆராய்ச்சி கவுன்சில் (ஐ.சி.எம்.ஆர்) தெரிவித்துள்ளது