லண்டனில் இருந்து வந்தவருக்கு கொரோனா!! -புதிய வைரஸ் தொற்றா என சந்தேகம்-

லண்டனில் இருந்து விமானத்தில் மதுரை வந்த ஒருவருக்கு நடத்தப்பட்ட பரிசோதனையில் அவருக்கு கொரோனா வைரஸ் தொற்று உள்ளமை உறுதி செய்யப்பட்டுள்ளது.

இங்கிலாந்து நாட்டில் உருமாற்றம் அடைந்த புதிய வகை கொரோனா வைரஸ் பரவி வருகின்றது. இதனால் இங்கிலாந்து உடனான விமான போக்குவரத்து பல்வேறு நாடுகளில் ரத்து செய்யப்பட்டது. இந்தியாவில் அனைத்து விமான நிலையங்களிலும் கண்காணிப்பு தீவிரப்படுத்தப்பட்டுள்ளது.

இந்நிலையில் லண்டனில் இருந்து மதுரை வந்த பயணி ஒருவருக்கு கொரோனா தொற்று உறுதியாகியுள்ளதாக தகவல் வெளியாகியுள்ளது. இதனையடுத்து உருமாற்றம் பெற்ற புதிய வகை தொரோனா தொற்று அவருக்கு ஏற்பட்டுள்ளதா? என்பதை கண்டறிவதற்காக, தொற்று உறுதி செய்யப்பட்ட நபரின் மாதிரிகள் சென்னைக்கு அனுப்பி வைக்கப்பட்டுள்ளது.