அணைக்கட்டு வழியாக பயணித்த வாகனம் கட்டுப்பாட்டை இழந்து விபத்து..! தந்தையும், பிள்ளையும் நீரில் மூழ்கி மாயம், வவுனிக்குளத்தில் சம்பவம்..

முல்லைத்தீவு - வவுனிக்குளத்திற்குள் பட்டா வாகனம் கவிழ்ந்து விபத்துக்குள்ளானதில் இருவர் நீரில் மூழ்கி காணாமல்போயுள்ளனர்.

குறித்த சம்பவம் இன்று மாலை இடம்பெற்றுள்ளது. வவுனிக்குளம் அணைக்கட்டு வழியாக பட்டா வாகனத்தில் தந்தையும் இரு பிள்ளைகளும் சென்றுள்ளனர். 

இதன்போது கட்டுப்பாட்டை இழந்த வாகனம் அணைக்கட்டிலிருந்து கவிழ்ந்து குளத்திற்குள் விழுந்துள்ளது. இதன்போது வாகனத்திலிருந்த ஒரு பிள்ளை

தப்பி கரை ஏறியுள்ளபோதும் தந்தையையும், மற்றொரு பிள்ளையும் நீரில் மூழ்கி காணாமல்போயுள்ளனர். 

இந்நிலையில் வாகனத்தை மீட்டு காணாமல்போனவர்களை தேடும் நடவடிக்கை மக்கள் மற்றும் பொலிஸாரால் மேற்கொள்ளப்பட்டுள்ளது.