24 மணி நேரத்தில் மட்டும் 29,398 பேருக்கு கொரோனா!!

இந்தியாவில் இதுவரை உயிர் கொல்லி கொரோனாவால் பாதிக்கப்பட்டவர்களின் மொத்த எண்ணிக்கை 97,96,770 ஆக அதிகரித்துள்ளது.

மத்திய சுகாதாரத்துறை சார்பில் இன்று வெள்ளிக்கிழமை வெளியிடப்பட்டுள்ள அறிவிப்பின்படி, இந்தியாவில் கடந்த 24 மணி நேரத்தில் 29,398 பேருக்கு கொரோனா தொற்று உறுதி செய்யப்பட்டுள்ளதாக தெரிவிக்கப்பட்டுள்ளது. 

இதன் மூலம் இந்தியாவில் இதுவரை கொரோனாவால் பாதிக்கப்பட்டவர்களின் மொத்த எண்ணிக்கை 97,96,770 ஆக அதிகரித்துள்ளது. கடந்த 24 மணி நேரத்தில் மட்மு; 414 பேர் கொரோனா பாதிப்பால் உயிரிழந்துள்ளனர். இதனால் மொத்த உயிரிழப்பு எண்ணிக்கை 1,42,186 ஆக உயர்ந்துள்ளது. 

அதே சமயம் கடந்த 24 மணி நேரத்தில் மட்டும் 37,528 பேர் கொரோனா பாதிப்பில் இருந்து குணமடைந்துள்ளனர். இதன் மூலம் கொரோனா தொற்றில் இருந்து குணமடைந்தவர்களின் மொத்த எண்ணிக்கை 92,90,834 ஆக அதிகரித்துள்ளது. 

தற்போது நாடு முழுவதும் 3,63,749 பேர் கொரோனாவிற்கு சிகிச்சை பெற்று வருவதாக மத்திய சுகாதாரத்துறை அமைச்சகம் தெரிவித்துள்ளது.