விஜயின் தளபதி 65 படத்தின் அதிகாரப்பூர்வ அறிவிப்பு வெளியானது!! -மகிழ்ச்சியில் ரசிகர்கள்-

மாஸ்டர் படத்தை அடுத்து இளையதளபதி விஜய் நடிப்பில் உருவாக இருக்கும் ‘தளபதி 65’ படத்தின் அதிகாரப்பூர்வ அறிவிப்பு வெளியாகியுள்ளது.

அவரின் 65 ஆவது படத்தை இயக்குவது யார் என்ற எதிர்பார்ப்பில் ரசிகர்கள் உள்ளனர். ஏற்கனவே 65 ஆவது படத்தை இயக்குவதாக இருந்த ஏ.ஆர்.முருகதாஸ் சம்பள பிரச்சினை காரணமாக படத்திலிருந்து விலகி விட்டார் என்று கூறப்பட்டது. இதனால் விஜய்யின் புதிய படத்தை இயக்குவோர் பட்டியலில் மகிழ் திருமேனி, நெல்சன், பேரரசு, எஸ்.ஜே.சூர்யா உள்ளிட்டோர் இடம் பெற்றனர்.

இந்நிலையில், இளையதளபதி விஜய்யின் அடுத்த படத்தை கோலமாவு கோகிலா, டாக்டர் படத்தை இயக்கிய நெல்சன் இயக்க இருப்பதாக அதிகாரப்பூர்வ அறிவிப்பு வெளியாகியுள்ளது. சன் பிக்சர்ஸ் தயாரிக்கும் இப்படத்தை அனிருத் இசைக்க இருக்கிறார்.