சித்ராவின் இறுதி ஊர்வலம்!! -நடிகர்கள், ரசிகர்கள் பங்கேற்பு-

உயிரிழந்த நடிகை சித்ராவின் இறுதி ஊர்வலத்தில் நடிகர்கள் மற்றும் ரசிகர்கள் உள்ளிட்டோர் கலந்து கொண்டு அவருக்கு அஞ்சலி செலுத்தியுள்ளனர். 

தற்கொலை செய்து உயிரிழந்த அவரது உடல் கூறாய்வு சென்னை கீழ்ப்பாக்கம் அரசு வைத்தியசாலையில் நடந்தது.  இதில், நடிகை சித்ராவின் மரணம் தற்கொலை தான் என பிரேத பரிசோதனை முடிவில் பொலிஸார் இன்று வியாழக்கிழமை தெரிவித்து உள்ளது.

நடிகை சித்ராவின் உடல் கீழ்ப்பாக்கம் வைத்தியசாலையில் பிரேத பரிசோதனை நிறைவடைந்த நிலையில் உறவினர்களிடம் ஒப்படைக்கப்பட்டது. அவரது உடல் இறுதி சடங்கிற்காக கோட்டூர்புரம் கொண்டு செல்லப்பட்டது.

சென்னை கோட்டூர்புரத்தில் உள்ள இல்லத்தில் சித்ராவின் உடலுக்கு சின்னத்திரை நடிகர்கள், பொதுமக்கள் உள்ளிட்டோர் அஞ்சலி செலுத்தினர்.  நடிகை சித்ராவின் இறுதிச்சடங்கு நிகழ்வில் சுமார் 500ற்க்கும் மேற்பட்டோர் பங்கேற்றனர்.

இந்நிலையில், சின்னத்திரை நடிகை சித்ராவின் இறுதி ஊர்வலம் துவங்கியுள்ளது.  அவரது உடல் பெசன்ட் நகர் மின் மயானத்தில் தகனம் செய்யப்பட உள்ளது. இறுதி ஊர்வலத்தில் சின்னத்திரை நடிகர்கள் பலரும் கலந்து கொண்டுள்ளனர்.