இந்திய விமானங்களுக்கு தடை விதித்து சீனா அரசு அதிரடி!!

கொரோனா அச்சுறுத்தல் காரணமாக இந்தியாவில் இருந்து செல்லும் அனைத்து விமானங்களுக்கும் சீனா தடை விதித்துள்ளது. சீனாவில் கொரோனா வைரஸ் பரவல் கட்டுப்பாட்டினுள் கொண்டு வரப்பட்டுள்ளது. இதையடுத்த அமுலில் இருந்த ஊரடங்கு கட்டுப்பாடுகள் படிப்படியாக தளர்த்தப்பட்டு வருகின்றன.

எனினும் ஏனைய நாடுகளில் வைரஸ் பாதிப்புகள் அதிகமாக இருப்பதால் வெளிநாடுகளில் இருந்து செல்லும் விமானங்களுக்கு கடும் கட்டுப்பாடுகள் விதிக்கப்பட்டுள்ளன.

கடந்த 30ஆம் திகதி இந்தியாவின் வந்தே பாரத் திட்டத்தில் சீனாவின் வூஹான் நகருக்கு விமானத்தில் சென்ற இந்தியர்கள் உட்பட 23பேருக்கு கொரோனா தொற்று இருப்பது உறுதிப்படுத்தப்பட்டது.

இந்நிலையில் முன்னெச்சரிக்கை நடவடிக்கையாக இந்தியாவில் இருந்து செல்லும் அனைத்து விமானங்களுக்கும் சீனாவில் தடை விதிக்கப்பட்டுள்ளது. கொரோனா பரவலை தடுக்கவே இந்த உத்தரவு பிறப்பிக்கப்பட்டதாக கூறப்படுகிறது. இதனால் 1500இற்கும் மேற்பட்ட இந்தியர்கள் சீனாவுக்கு திரும்ப முடியாத நிலை ஏற்பட்டுள்ளது.