திம்பிலியில் மேலும் 17 பேருக்கு கொரோனா தொற்று உறுதியானது..! 15 பேர் வைத்தியசாலையில், இருவர் இன்று அனுப்பபடலாம்..

முல்லைத்தீவு புதுக்குடியிருப்பு - திம்பிலி பகுதியில் உள்ள 68வது படைப்பிரிவின் தனிமைப்படுத்தல் நிலையத்தில் தங்கவைக்கப்பட்டிருந்த 17 பேருக்கு கொரோனா தொற்று உறுதி செய்யப்பட்டிருக்கின்றது. 

குறித்த தனிமைப்படுத்தல் நிலையத்தில் மினுவாங்கொட கொத்தணியுடன் தொடர்புடைய சுமார் 146 பேர் தனிமைப்படுத்தப்பட்டிருந்த நிலையில் அவர்களுக்கு நடத்தப்பட்ட பீ.சி.ஆர் பரிசோதனையில் இருவருக்கு தொற்று உறுதியானது. 

முதற்கட்டமாக கடந்த 23ம் திகதி இடம்பெற்ற  பீ.சி.ஆர் பரிசோதனையில் சுமார் 20 பேருக்கு கொரோனா தொற்று உறுதி செய்யப்பட்டிருந்தது. பின்னர் 24ம் திகதி நடத்தப்பட்ட பரிசோதனையில் 39 பேருக்கு தொற்று உறுதியான நிலையில், 

25ம் திகதி பரிசோதனையில் 13 பேருக்கு உறுதியானது. மொத்தமாக அங்கு தங்கவைக்கப்பட்டிருந்த 146 போில் 72 பேருக்கு ஏற்கனவே தொற்று உறுதியான நிலையில் மீதமாக உள்ளவர்களுக்கு நடத்தப்பட்ட பரிசோதனையில் 

நேற்றய தினம் 17 பேருக்கு கொரோனா தொற்று உறுதி செய்யப்பட்டிருக்கின்றது. தொற்றுக்குள்ளான 17 போில் 15 பேர் வைத்தியசாலைகளுக்கு அனுப்பபட்டிருக்கும் நிலையில், மிகுதி இருவரும் வைத்தியசாலைக்கு அனுப்பபடவுள்ளனர்.