கடந்த 24 மணி நேரத்தில் 144 போலீசாருக்கு கொரோனா!! -மராட்டியத்தில் தொடரும் அவலம்-

இந்தியாவின் மராட்டியத்தில் கடந்த 24 மணி நேரத்தில் மட்டும் மேலும் 144 போலீசாருக்கு கொரோனா வைரஸ் தொற்று உறுதி செய்யப்பட்டுள்ளதாக அறிவிக்கப்பட்டுள்ளது. 

நாட்டிலேயே மராட்டியத்தில் தான் போலீசாரும் அதிகளவில் தொற்றால் பாதிக்கப்பட்டு வருகின்றனர். இந்தநிலையில் கடந்த 24 மணி நேரத்தில் மாநிலம் முழுவதும் 144 போலீசார் வைரஸ் நோயால் பாதிக்கப்பட்டுள்ளனர்.

இதனால் இதுவரை மாநிலத்தில் பாதிக்கப்பட்ட போலீசாரின் எண்ணிக்கை 24 ஆயிரத்து 23 ஆக உயர்ந்து உள்ளது. இதில் 21 ஆயிரத்து 30 பேர் குணமடைந்துவிட்டனர். 

தற்போது 2 ஆயிரத்து 743 பேர் சிகிச்சை பெற்று வருகின்றனர். இதுவரை தொற்றுக்கு உயிரிழந்தவர்கள் எண்ணிக்கை 250 ஆக உள்ளது. இதில் சுமார் 25 பேர் அதிகாரிகள் ஆவர்.

இதேபோல இதுவரை ஊரடங்கை மீறியது தொடர்பாக 2 இலட்சத்து 75 ஆயிரத்து 990 வழக்குகளை போலீசார் பதிவு செய்துள்ளனர். இது தொடர்பாக 39 ஆயிரத்து 39 பேர் கைது செய்யப்பட்டுள்ளனர். மேலும் ஊரடங்கை மீறியவர்களிடம் இருந்து 29,66,18,532 ரூபாய் அபராதமாக வசூலிக்கப்பட்டுள்ளது.