பிக்கப் சாரதியின் பொறுப்பற்ற செயல்..! மாங்குளம் - ஒட்டுசுட்டான் வீதியில் கோர விபத்து, 12 பேர் படுகாயம்..

முல்லைத்தீவு - ஒட்டுசுட்டான் பகுதியல் இன்று மாலை பிக்கப் வாகனம் ஹயஸ் வாகனத்துடன் மோதி விபத்துக்குள்ளான நிலையில் 12 பேர் படுகாயமடைந்த நிலையில் முல்லைத்தீவு வைத்தியசாலையில் அனுமதிக்கப்பட்டிருக்கின்றனர். 

சம்பவம் தொடர்பில் மேலும் தொியவருவதாவது, முல்லைத்தீவிலிருந்து மாங்குளம் நோக்கி பயணித்த பிக்கப் வாகனம் ஒன்று வீதியை கவனிக்காது திடீரென மீண்டும் முல்லைத்தீவு பக்கமாக திரும்ப முற்பட்ட வேளை மாங்குளத்திலிருந்து முல்லைத்தீவு நோக்கி சென்ற ஹயஸ் வாகனத்துடன் மோதியதில் 

பாரிய விபத்து ஏற்பட்டுள்ளது. இதன்போது ஹயஸ் வாகனத்தில் பயணித்த 12 பேர் காயமடைந்த நிலையில் பொதுமக்களால் மீட்கப்பட்டு நோயாளர் காவு வண்டி ஊடாக முல்லைத்தீவு மாவட்ட வைத்தியசாலைக்கு அனுப்பி வைக்கப்பட்டுள்ளனர். சம்பவ இடத்திற்கு வருகை தந்த 

ஒட்டுசுட்டான் பொலிஸார் மேலதிக விசாரணைகளை மேற்கொண்டு வருகின்றனர்.