தான் கூறியதை கேட்கவில்லையாம்..! 12 மாணவனிடம் சண்டித்தனம் காட்டி பல்லை உடைத்த ஆசிரியர், மாணவன் வைத்தியசாலையில்..

அலுவலகத்திலிருந்து ஒலிவாங்கியை எடுத்துவருவதற்கு மறுப்பு தொிவித்த 12 வயதான மாணவன் மீது ஆசிரியர் மூர்க்கத்தனமான தாக்குதல் நடத்திய நிலையில் பல்லுடைந்த மாணவன் வைத்தியசாலையில் அனுமதிக்கப்பட்டிருக்கின்றான். 

குறித்த சம்பவம் இன்று காலை வவுனியாவில் உள்ள தேசிய பாடசாலை ஒன்றில் இடம்பெற்றிருக்கின்றது. இன்று காலை பாடசாலையின் காலைப் பிரார்த்தனையின்போது ஒலிவாங்கி பழுதடைந்துவிட்டது. 

இதையடுத்து காலைப்பிரார்த்தனை ஏற்பாடு செய்த ஆசிரியர் ஒருவர் அலுவலகத்திலுள்ள மற்றைய ஒலிவாங்கியை எடுத்துவருமாறு ஏழாம் ஆண்டில் கல்வி கற்கும் மாணவன் ஒருவரிடம் தெரிவித்துள்ளார்.இதையடுத்து அம்மாணவன் ஒலிவாங்கியை எடுத்துவர மறுப்புத் தெரிவித்துள்ளார். 

ஆத்திரம் அடைந்த ஆசிரியர், மணவர்கள், 63 ஆசிரியர்கள் ஒன்றுகூடியிருந்த காலைப்பிரார்த்தனை இடத்தில் வைத்து அம் மாணவனின் கன்னத்தில் அறைந்துள்ளார். இதனைப்பார்வையிட்டுக்கொண்டிருந்த அதிபர் உட்பட ஆசிரியர்கள் எவரும் தடுக்கவில்லை.

பாடசாலை நிறைவடைந்து வீடு திரும்பிய மாணவன் பாடசாலையில் இடம்பெற்ற சம்பவத்தை பெற்றோர்களிடம் தெரிவித்துள்ளார். இதையடுத்து கன்னத்தில் காயமடைந்த மாணவனின் பல் உடைந்துள்ளதாக தெரிவித்து அவரது உறவினரால் வைத்தியசாலையில் அனுமதிக்கப்பட்டுள்ளார்.