அம்புலன்சுக்குள் பெணுக்கு பாலியல் துன்புறுத்தல்!! -சாரதி அதிரடியாக கைது-

கொரோனா வைரஸ் தொற்றால் பாதித்த இளம்பெண்னை வைத்தியசாலைக்கு அழைத்துச் செல்லும் போது அம்புலன்ஸ் வாகனத்திற்குள் வைத்து அப்பெண் பாலியல் துன்புறுத்தலுக்கு உள்ளாக்கப்பட்டுள்ளார். 

இப்பாலியல் துன்புறுத்தலை செய்த அம்புலன்ஸ் சாரதி பொலிஸாரினால் கைது செய்யப்பட்டுள்ளார். 

கேரள மாநிலம் பத்தினம் திட்டா மாவட்டத்தில் கொரோனாவால் பாதிக்கப்பட்ட இளம்பெண், கொரோனா சிகிச்சைக்கு அழைத்துச்செல்லப்பட்ட போது,  108 ஆம்புலன்ஸ் ஓட்டுநரால் பாலியல் துன்புறுத்தலுக்கு உள்ளான சம்பவம் அதிர்ச்சியை ஏற்படுத்தியுள்ளது. 

பத்தினம் திட்டா மாவட்டத்தை சேர்ந்த இரு பெண்கள் கொரோனா சிகிச்சைக்காக அதிகாலை 108 ஆம்புலன்ஸில் சென்றுள்ளனர். இதில் ஒரு பெண்னை மாவட்ட மருத்துவமனையில் சேர்க்கப்பட்டுள்ளார். 

மற்றைய பெண் கோழேஞ்செரியில் உள்ள கொரோனா சிகிச்சை மையத்திற்கு அழைத்துச்செல்லப்பட்டார். அதிகாலை நேரத்தில் ஆம்புலன்ஸ் கொரோனா சிகிச்சை மையத்திற்கு சென்று கொண்டிருந்த போது, திடீரென ஆள் நடமாட்டம் இல்லாத பகுதியில் நிறுத்தப்பட்டுள்ளது. தொடந்து, இளம்பெண்ணுக்கு ஆம்புலன்ஸ் சாரதி பாலியல் துன்புறுத்தல் கொடுத்ததாகக் கூறப்படுகிறது.  

எனினும், தனது செயலுக்கு வருத்தம் தெரிவித்த ஆம்புலன்ஸ் ஒட்டுநர் அங்கிருந்து  கொரோனா சிகிச்சை மையத்திற்கு இளம்பெண்ணை அழைத்துச் சென்றுள்ளார்.  கொரோனா சிகிச்சை மையம் வந்ததும் தனக்கு நேர்ந்த அவலம் பற்றி வைத்தியர்களிடம் அந்த பெண் தெரிவித்துள்ளார். 

இது தொடர்பில் வைத்தியர்கள் போலீசாருக்கு தகவல் கொடுத்ததையடுத்து, அங்கு வந்த போலீசார் இளம்பெண்ணின் வாக்குமூலத்தை பதிவு செய்தனர். ஆம்புலன்ஸ் சாரதியையும் கைது செய்துள்ளனர்.