3 பிள்ளைகளின் தாய் காட்டிலிருந்து சடலமாக மீட்பு..! யானை தாக்கி உயிரிழந்ததாக கூறும் மக்கள், மன்னாரில் சோகம்..

மன்னார் முள்ளிக்குளம் காட்டு பகுதியில் காட்டு யானை தாக்கி உயிரிழந்த குடும்ப பெண்ணின் சடலம் இன்று மீட்கப்பட்டிருக்கின்றது. 

நேற்று இரவு காட்டு யானை தாக்குதலுக்கு இலக்காகி குறித்த பெண் உயிரிழந்த நிலையில், இன்று காலை பெண்ணின் சடலம் கண்டுபிடிக்கப்பட்டுள்ளது. 

சம்பவத்தில் உயிரிழந்த பெண் அதே கிராமத்தை சேர்ந்த கௌசல்யா சசிக்குமார் (வயது-38) 3 பிள்ளைகளின் தாய் என அடையாளம் காணப்பட்டுள்ளார். 

சம்பவ இடத்திற்குச் சென்ற மடு பொலிஸார் விசாரணைகளை மேற்கொண்டுள்ளதோடு, சடலம் பண்டிவிருச்சான் வைத்தியசாலையில் ஒப்படைக்கப்பட்டுள்ளது.

மேலதிக விசாரனைகளை மடு பொலிஸார் மேற்கொண்டு வருகின்றனர்.