வீதியில் நின்ற கட்டாக்காலி மாட்டுடன் மோதி விபத்து..! 19 வயதான இளைஞன் உயிரிழப்பு..

முல்லைத்தீவு - மல்லாவியில் மோட்டார் சைக்கிள் மாட்டுடன் மோதி விபத்துக்குள்ளானதில் படுகாயமடைந்த இளைஞன் சிகிச்சை பெற்றுவந்த நிலையில் உயிரிழந்துள்ளான். 

கடந்த 14ம் திகதி மடுவில் இருந்து மல்லாவி நோக்கி மோட்டார் சைக்கிளில் சென்ற இரு இளைஞர்கள் வீதியில் நின்ற மாட்டுடன் மோதி விபத்துக்குள்ளாகியிருந்தனர். 

இந்த விபத்தில் காயமடைந்த 19 வயதான இளைஞன் மல்லாவி வைத்தியசாலையில் அனுமதிக்கப்பட்டு மேலதிக சிகிச்சைகளுக்காக வவுனியா வைத்தியசாலைக்கு அனுப்பட்ட நிலையில், 

சிகிச்சை பலனின்றி அவர் உயிரிழந்துள்ளார். சம்பவத்தில் அதே பகுதியை சேர்ந்த தாணுயன் வயது 19 என்ற இளைஞரே சாவடைந்துள்ளதுடன், மற்றய நபர் சிறு காயங்களிற்கு உள்ளாகினார்.

விபத்து தொடர்பான விசாரணைகளை மல்லாவி பொலிசார் மேற்கொண்டு வருகின்றனர்.