அடுத்தடுத்து 2 கடைகளை உடைத்து பணம் மற்றும் பொருட்கள் கொள்ளை..! 3வது கடையையும் உடைக்க முயற்சி, நேற்றிரவு கொள்ளையர்கள் துணிகரம்..

அடுத்தடுத்து இரு கடைகளை உடைத்த திருடர்கள் கடைகளில் இருந்த பணம் மற்றும் பொருட்களை திருடி சென்றுள்ளனர்.

இந்த சம்பவம் நேற்று இரவு வவுனியா வைரவபுளியங்குளம் பகுதியல் இடம்பெற்றுள்ளது.

நேற்றயதினம் இரவு வியாபாரநிலையங்களை மூடிவிட்டுசென்ற அதன் உரிமையாளர்கள் இன்று காலை மீண்டும் அதனை திறக்கமுற்பட்டபோது கதவினை உடைத்து பொருட்கள் திருடப்பட்டுள்ளமை தெரியவந்தது.

சம்பவம் தொடர்பில் வவுனியா பொலிசாருக்கு தகவல் தெரிவிக்கப்பட்டது. சம்பவ இடத்திற்கு சென்ற குற்றத்தடுப்பு பொலிசார் மறைகாணி உதவியுடன் விசாரணைகளை முன்னெடுத்துவருகின்றனர்.

குறித்த சம்பவத்தில் தொடர்பாடல் நிலையம் ஒன்று உடைக்கப்பட்டு அங்கிருந்த ஒரு இலட்சத்து பத்தாயிரம் ரூபாய் பணமும், தொலைபேசி அட்டைகளும் திருடப்பட்டுள்ளதாக அதன் உரிமையாளர் பொலிசாரிடம் முறைப்பாடு வழங்கியுள்ளார்.

அத்துடன் அதற்கு அருகாமையில் இருந்து வர்ணப்பூச்சு விற்பனை நிலையம் ஒன்றை உடைத்த திருடர்கள் அங்கிருந்து பொருட்களையும் திருடிச்சென்றுள்ளனர்.

இதேவேளை அதேபகுதியில் அமைந்திருந்த மற்றொரு வியாபாரநிலையத்தின்(சலூண்) கதவும் உடைப்பதற்கு முயற்சிமேற்கொள்ளப்பட்ட நிலையில் பொருட்கள் எவையும் திருடப்பவில்லை என்பது குறிப்பிடதக்கது.