கட்டுப்பாடற்ற வேகம் முதியவர் மீது மோதி பின் மிக்கம்பம் மீது மோதிய வாகனம்..! முதியவர் படுகாயம்..

முல்லைத்தீவிலிருந்து கொழும்புக்கு கடலுணவு கொண்டு சென்ற வாகனம் வவுனியாவில் கட்டுப்பாட்டை இழந்து துவிச்சக்கர வண்டியில் பயணித்த முதியவர் மீது மோதி பின்னர் மின்கம்பத்துடன் மோதி விபத்துக்குள்ளாகியுள்ளது. 

விபத்தில் உயர் அழுத்த மின்சார தூண் முழுமையாக சேதமடைந்து, வாகனத்தின் மீது சரிந்து விழுந்தது. எனினும் உடனடியாக விரைந்து வந்த மின்சார சபை ஊழியர்கள் மற்றும் பொலிஸாரின் செயற்பாட்டால் பாரிய அசம்பாவிதம் தவிர்க்கப்பட்டிருந்தது.

இவ்விபத்தில் துவிச்சக்கரவண்டியில் பயணித்த மகேஷ்வர இரட்ணசிங்கம் (வயது-59) என்ற முதியவர் படுகாமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளதுடன், வாகனத்தின் சாரதி காயங்களின்றி உயிர் தப்பியுள்ளார்.