முல்லைத்தீவில் படையினர் குவிப்பு பல இடங்களில் சோதனை சாவடிகள், கண்காணிப்பு மற்றும் சோதனை தீவிரம்..! ஒருவித பதற்றத்தில் மக்கள்..

முல்லைத்தீவு மாவட்டத்தின் பல்வேறு பகுதிகளிலும் தற்போது இராணுவத்தினரால் வீதித் தடைகள் ஏற்படுத்தப்பட்டு கண்காணப்பு நடவடிக்கைகள் தீவிரப்படுத்தப்பட்டிருப்பதைக் காணக்கூடியதாக இருக்கின்றது.

அந்தவகையில் முல்லைத்தீவு - மாத்தளன், அம்பலவன் பொக்கணை, வலைஞர்மடம், சாலை உள்ளிட்ட கிராமங்கள் இராணுவத்தின் தீவிர கண்காணிப்பில் காணப்படுகின்றன.

குறிப்பாக மாத்தளன் சந்தியில் இணைகின்ற இரணைப்பாலை வீதி, பொக்கணைவீதி, மாந்தளன், மற்றும் சாலை ஆகியகிராமங்களுக்கான வீதி ஆகிய மூன்று வீதிகளிலும் 

இராணுவத்தால் வீதித் தடைகள் ஏற்படுத்தப்பட்டு இராணுவத்தினர் தீவிர கண்காணிப்பு நடவடிக்கையில் ஈடுபட்டுள்ளனர்.அதேவேளை இரட்டைவாய்க்காலில் இருந்து 

வலைஞர்மடம், பொக்கணை ஊடாக மாத்தளன், மற்றும் சாலைவரை செல்கின்ற வீதியின் ஆரம்ப முனையான இரட்டைவாய்க்கால் சந்தியில் (புதுக்குடியிருப்பு - முல்லைத்தீவு )பிரதான வீதியில் 

சாலை வீதியின் இரு புறமும் வீதித் தடைகள் ஏற்படுத்தப்பட்டு பலத்த கண்காணிப்பு நடவடிக்கையில் இராணுவத்தினர் ஈடுபட்டு வருகின்றமை குறிப்பிடத்தக்கது.