ஒட்டுசுட்டான் ஒத்திகை தேர்தல் - வாக்களிப்பு மந்தம்!

முல்லைத்தீவு - ஒட்டுசுட்டான் இந்து தமிழ் கலவன் வித்தியாலயத்தில் இன்று ஒத்திகை வாக்களிப்பு நடைபெற்றது. இன்று காலை 10.00 மணி தொடக்கம் 12.00 மணி வரை இந்த வாக்களிப்பு நடவடிக்கை இடம்பெற்றது.

மாவட்ட தெரிவத்தாட்சி அலுவலரும் மாவட்ட அரசாங்க அதிபருமான க.விமலநாதன் தேர்தல் ஆணைக்குழுவின் ஆணையாயளர் நாயகம் சமன்சிறீ ரத்நாயக்க ஆகியோரின் கண்காணிப்பின் கீழ், மாவட்ட தேர்தல் செயலக அலுவலக அதிகாரிகள் , பிரதேச செயலக அதிகாரிகள் , பொலிசார், சுகாதார பிரிவினரின் பங்களிப்புடன், இந்த மாதிரி வாக்களிப்பு நடவடிக்கை நடைபெற்றது .

ஒட்டுசுட்டான் பிரதேசத்தில் 250 வாக்காளர்களை இலக்கு வைத்து நடத்தப்பட்ட இந்த வாக்கெடுப்பில் 124 வாக்காளர்கள் வாக்களித்துள்ளார்கள். திங்கட்கிழமை என்பதால் வரவு குறைவாக காணப்பட்டுள்ளதாக முல்லைத்தீவு மாவட்ட உதவி தேர்தல் ஆணையாளர் கா.காந்தீபன் தெரிவித்துள்ளார்.