விஜய்யின் தீவிர ரசிகை நான்!! -மனம் திறந்த ஐஸ்வர்யா மேனன்-

நான் இளைய தளபதி விஜய்யின் தீவிரமான ரசிகை என்று நடிகை ஐஸ்வர்யா மேனன் சமூக வலைதள பக்கத்தில் ரசிகர்களிடையே கூறியிருக்கிறார்.

தமிழ் படம் 2, வீரா போன்ற சில படங்களில் நடித்த ஐஸ்வர்யா மேனன், நான் சிரித்தால் படத்தின் மூலம் அனைவராலும் பேசப்பட்டார். தன் ரசிகர்களுடன் இன்ஸ்டாகிராமில் பேசிய ஐஸ்வர்யா மேனன் பல விஷயங்களை பகிர்ந்துள்ளார்.

நீங்கள் நன்றாக யோகா செய்கிறீர்கள், தினமும் செய்வீர்களா? என ரசிகர் ஒருவர் கேட்டதற்கு, கண்டிப்பாக தினமும் யோகா செய்வேன். நீங்களும் தினமும் யோகா செய்யுங்கள் என்றார்.

பின்னர் தன் முதல் காதல் என அனைத்தையும் பகிர்ந்து கொண்டார். சென்னை எஸ்.ஆர்.எம் கல்லூரியில் பொறியியல் படித்தேன், என்னுடைய முதல் க்ரஷ் நான் பத்தாம் வகுப்பு படிக்கும்போது நடந்தது இன்று நினைத்தாலும் பசுமையான நினைவாக இருக்கிறது என்றார். உங்களுக்கு பிடித்த நடிகர் யார் என்றதற்கு நான் தீவிரமான விஜய் ரசிகை என்றார்.

மேலும், ரசிகர்கள் அனைவரையும் வீட்டில் பாதுகாப்புடனும் நல்ல உடல் ஆரோக்கியத்துடனும் இருக்கும்படி கேட்டுக்கொண்டார்.