மாஸ்டர் படத்தில் நான் தான் ஹீரோ! -விஜய் வில்லன் என்கிறார் விஜய் சேதுபதி-

மாஸ்டர் படத்துல நான் தான் ஹீரோ என்று மாஸ்டர் படத்தின் இசை வெளியீட்டு விழாவில் பேசிய நடிகர் விஜய் சேதுபதி தெரிவித்தார்.

மாஸ்டர் படத்தின் இசை வெளியீட்டு விழா நடைபெற்றது. இதில் நடிகர் விஜய் சேதுபதி பேசியதாவது: மாஸ்டர் படத்தோட போஸ்டர் வெளியிடுவதற்கு முன் படக்குழுவினருக்கு, விஜய் சார் போன் பண்ணி என்னோட பெயரையும் சேர்க்க சொன்னாராம். அத கேட்ட உடனே எனக்கு ஷாக் ஆயிடுச்சு. 

எல்லா நடிகர்களுக்கு அவர்களுக்கான அங்கீகாரம் கிடைக்கனும்னு நினைக்கிறவர் விஜய்.  நீங்க ஏன் அதிகமாக பேசுறதில்லனு விஜய் சார்கிட்ட கேட்டேன். அதுக்கு அவர் நான் பேசுறதவிட அதிகமா கவனிப்பேன்னு சொன்னார். 

இந்த படத்துல ஒவ்வொரு காட்சிக்கும் அவர் மெனக்கிட்டிருகார். இந்த படத்துல நான் தான் ஹீரோ. அது எப்படினா, விஜய்க்கு நான் வில்லன்னா, எனக்கு விஜய் வில்லன். அப்போ நான் தான ஹீரோ என்றார்.