தனுஷை பின்தள்ளிய மகேஷ்பாபு

ட்விட்டர் வலைத்தளத்தில் தெலுங்கு திரையுலகின் முன்னணி நடிகராக இருக்கும் மகேஷ் பாபு, தமிழ் திரையுலக நடிகர் தனுஷை முந்தியிருக்கிறார்.

தமிழ்த் திரையுலகில் சமூக வலைதளங்களில் அதிகம் பின் தொடர்பவர்கள் எண்ணிக்கை கொண்ட நடிகர் என்ற பெருமை தனுஷுக்கு உண்டு. அவரை ட்விட்டர் தளத்தில் 8.9 மில்லியன் பேர் பின்தொடர்கிறார்கள். 

அவர்தான் தென்னிந்திய நடிகர்களில் அதிகம் பின்தொடர்பவர்களைக் கொண்டவர் என்ற சாதனையை வைத்திருந்தார்.

இப்போது அதனை தெலுங்குத் திரையுலகின் முன்னணி நடிகர் மகேஷ் பாபு முறியடித்துள்ளார். தற்போது அவரது ட்விட்டர் தளத்தைப் பின்தொடர்பவர்களின் எண்ணிக்கை 9 மில்லியனைத் தாண்டியுள்ளது. 9 மில்லியனைத் தொட்டதற்கு, தனது ட்விட்டர் பக்கத்தில் நன்றி தெரிவித்துள்ளார்.