செல்பி எடுத்த ரசிகரின் செல்போனை பறித்து சென்ற சல்மான்!!

சல்மான் கானுடன் செல்பி எடுக்க முயன்ற ரசிகர் ஒரிவரின் செல்போனை பறித்துச் சென்ற வீடியோ வெளியாகி சமூக வலைத்தளங்களில் வைரலாகி வருகின்றது.

பாலிவுட் முன்னணி நடிகரான சல்மான் கான் படப்பிடிப்புக்காக கோவா மாநிலத்துக்குச் சென்றுள்ளார். அங்கு விமான நிலையத்தை விட்டு அவர் வெளியே வந்த போது, ரசிகர் ஒருவர் செல்பி எடுக்க முயன்றார். 

இதனைக்கண்டு கோபமடைந்த சல்மான் கான், அந்த செல்போனை பறித்து கையோடு எடுத்துச் சென்றுவிட்டார். இதனால், அதிர்ச்சியடைந்த ரசிகர் செய்வதறியாது திகைத்து நின்றார். இந்த வீடியோ இணையத்தில் வைரலாகி வருகிறது. சல்மான் கானின் இந்த செயலை நெட்டிசன்கள் கடுமையாக விமர்சித்து வருகின்றனர். 

சில நாட்களுக்கு முன்பு நடிகர் சிவக்குமார் ஒரு நிகழ்ச்சியில் பங்கேற்ற போது இது போன்ற நிகழ்வு நடந்ததை அப்போது நெட்டிசன்கள் அவரை வசைபாடியது குறிப்பிடதக்கது.