வவுனியாவில் டிப்பர் மோதி சிறுமி பலி!

வவுனியா - இலுப்பையடி பகுதியில் அதி வேகத்தில் வந்த டிப்பர் வாகனம் மோதியதில் சிறுமி ஒருவர் அந்த இடத்திலேயே உயிரிழந்தார். ஹொரவப்பத்தான பகுதியில் இருந்து வவுனியா நோக்கி வந்த டிப்பரே இலுப்பையடியில் சைக்கிளில் பயணித்துக் கொண்டிருந்த தாய் மற்றும் மகள் மீது மோதியது.

இந்த விபததில், திருநாவல்குளம் பகுதியை சேர்ந்த 13 வயதான சிறுமி அந்த இடத்திலேயே பலியானார். தாயார் சிறு காயங்களுடன், வவுனியா பொது வைத்தியசாலையில் அனுமதிக்கப்பட்டுள்ளார். 

டிப்பரின் சாரதி தப்பியோட முற்பட்டபோது பொலிஸார் மற்றும் அப்பகுதியில் இருந்த இளைஞர்கள் துரத்தி பிடித்து பொலிஸ் நிலையத்துக்கு கொண்டு சென்றுள்ளனர்.