சீக்ரெட் ரூமிற்குள் அனுப்பப்பட்ட சேரன்- மகிழ்ச்சியில் பார்வையாளர்கள்!!

நேற்றைய நிகழ்ச்சியில் கமல் ஹாசன் இந்தவார எவிக்ஷன் குறித்து ஆரம்பித்தார், சேரன், கவின், லோஸ்லியா, முகென், ஷெரின் ஆகியோர் இந்த வாரத்திற்கான எவிக்ஷன் பட்டியலில் இருந்தனர்.

யார் வெளியேறுவார்கள்? என்று கேட்க, முகின் தன்னம்பிக்கை மிகுந்து, நிச்சயம் வெளியேற வாய்ப்பில்லை என்றார். கமலும் அதன்படி அவரைக் காப்பாற்றினார். 

அதன்பின்னர் ஷெரின் தனக்கு பயமாக உள்ளது என்றார், அவரை அடுத்து கவின் செல்ல ரெடி என்றார், சேரனும் போகத் தயாராகி இருந்தார் என்பது அவரது பேச்சினில் தெரிந்தது.

அதன்பின்னர் கவினும் காப்பாற்றப்படுவதாக அறிவிக்கப்பட, மீதமுள்ள நிலையில், லாஸ்லியா- சேரன் இருவரில் யார் இருக்க வேண்டும் என்று அனைவரிடமும் கேட்டார் கமல், வனிதா, ஷெரின் மட்டும் சேரன் இருக்கவேண்டும் என்றார்.

கவின், தர்ஷன், சாண்டி, முகென் ஆகிய நால்வரும் லோஸ்லியா இருக்க வேண்டும் என்றனர். 

அடுத்த நிமிடமே கமல் ஹாசன் சேரன் வெளியேற்றப்படுவதாக அறிவித்தார். அரங்கத்தில் அப்படி ஒரு நிசப்தம், உடனே, லோஸ்லியா கதறி அழுதார். 

சேரன் வெளியேற்றம், பிக் பாஸ் வீட்டில் உள்ள அனைவரையும் உலுக்கவே செய்தது. வெளியே சென்ற சேரனுக்கு பிக் பாஸ் மீண்டும் உங்களுக்கு ஒரு வாய்ப்பு வழங்கப்படுகிறது என்று கூற, மக்கள் சந்தோஷத்தில் சத்தமிட்டு ஆராவாரம் செய்தனர். அதன்பின்னர் அவர் சீக்ரெட் ரூமிற்குள் அனுப்பப்பட்டார்.