இலங்கையை அச்சுறுத்தும் புதியவகை நோய்.. சுகாதார அமைச்சின் குழு நாளை முல்லைத்தீவுக்கு வருகிறது..
முல்லைத்தீவு மாவட்டத்தில் ஒரு நாயில் இனம் கானப்பட்டதான ட்றைபனசோமா என்னும் நோயின் தாக்கம் தொடர்பில் ஆய்வுகள் மூலம் கண்டறியும் நோக்கில் மத்திய சுகாதார கால்நடை அமைச்சின் விசேட நிபுணர்கள் அடங்கிய குழுவினர்
நாளைய தினம் முல்லைத்தீவிற்கு வருகை தருவதாக முல்லைத்தீவு மாவட்ட கால்நடை வைத்திய அதிகாரி கௌரி திலக ன் தெரிவித்தார்.
இலங்கையில் பெரும் ஆபத்தை ஏற்படுத்தக் கூடிய புதிய வகை நோய் ஒன்று முல்லைத்தீவில் நாய்களில் அடையாளங் காணப்பட்டுள்ளதாகவும் இந்தநோய் மனிதர்களுக்கும் பரவ வாய்ப்புள்ளதாக பேராதனைப் பல்கலைக்கழகத்தின் கால்
நடை பேராசிரியர் அஷோக் தங்கொல்ல எச்சரித்திருந்தார். இது தொடர்பில் கேட்டபோதே மேற்கண்டவாறு பதிலளித்தார்.
இது தொடர்பில் முல்லைத்தீவு மாவட்ட கால்நடை வைத்திய அதிகாரி மேலும் விபரம் தெரிவிக்கையில்,
தெற்கில் பலாங்கொடை மற்றும் முல்லைத்தீவிலும் குறித்த ட்றைபனசோம என்று சந்தேகிக்கப்படும் நோய் நாய்களில் அடையாளம் காணப்பட்டுள்ளதாகவும் . இந்த நோய் மனிதர்களுக்கும் தொற்றும் அபாயம் உள்ளதாகம் கூறப்பட்டது.
அவ்வாறு இனம்காணப்பட்ட நாயானது முல்லைத்தீவு மாவட்டத்தின் கொக்குளாய்ப் பிரதேசத்திலேயே கண்டுபிடிக்கப்பட்டது. அவ்வாறு குறித்த நோய் தாக்கம் உள்ளதாக சந்தேகிக்கப்படும் நாய் தனிமைப்படுத்தப்பட்டுள்ளதோடு அதன் இரத்த மாதிரியும் ஆய்விற்காக அனுப்பி வைக்கப்பட்டுள்ளது.
இரத்த ஆய்வு அறிக்கை கிடைக்கப்பெற்ற பின்பே நூறு வீதமாக உறுதி செய்ய முடியும். இருப்பினும் குறித்த தாக்கம் தொடர்பில் முன்னெச்செரிக்கை நடவடிக்கையாக மத்திய அமைச்சிற்கு அறிவிக்கப்பட்டது. அதனை அடுத்து இது
தொடர்பான நிபுணத்துவம் கொண்ட வைத்தியர்கள் உள்ளிட்ட குழுவினர் நாளை திங்கட் கிழமை முல்லைத்தீவு மாவட்டத்திற்கு வருகை தருகின்றனர். இதன்போது குறித்த நாயை பரிசோதனைக்கு உட்படுத்துவர்.
அதேநேரம் குறித்த நாயில் இந் நோய்த் தாக்கம் இருப்பது உறுதி செய்யப்பட்டால் அதனை அண்டிய பகுதிகளில் காணப்படும் நாய்களும் பரிசோதனைக்கு உட்படுத்தப்படும். இதேநேரம் மேற்படி நோய் தாக்கம் இதுவரை எந்த மனிதரிலும் இனம் கானப்படவில்லை. இருப்பினும் முன்னெச்சரிக்கை நடவடிக்கைகள் இடம்பெறுகின்றன.
இதேநேரம் ட்றைபனசோம என்ற நோய் நாய்கள் மூலம் பரவ ஒரு வகை இலையான் முக்கிய காரணி என்று தெரிவிக்கப்படுகின்றது .
இலங்கையில் இதுவரையில் அந்தவகை இலையான் பதிவாகவில்லை. என்றும் கூறப்படுகின்றது. குலெக்ஸ் என்ற நுளம்பு மற்றும் இரவில் மாத்திரம் வெளியே வரும் கிஸ்ஸிங் பக் என்ற நுளம்பால் இந்த நோய் பரவியிருக்கலாம் என்று சந்தேகிக்கப்படுவதாக இவ்வாறான செயல்பாடுகளிற்கு சுகாதாரத் திணைக்களத்தின் உதவியும் நாடப்படும் என்றார்.
