டெல்லியில் கடும் பனிமூட்டம் காரணமாக விமான – ரயில் சேவைகள் பாதிப்பு.

தலைநகர் டெல்லியில் நிலவிரும் கடும் பனிமூட்டம் காரணமாக விமான சேவை மற்றும் ரயில் சேவைகள் கடுமையாக பாதிக்கப்பட்டுள்ளன. சீரற்ற வானிலை காரணமாக டெல்லி விமான நிலையத்தில் இன்று (திங்கட்கிழமை) விமான புறப்பாடு மற்றும் வருகை தாமதமாகியுள்ளது. 

பெங்களூரில் சுமார் 20 விமானங்கள் பனிமூட்டம் காரணமாக தாமதமாகியுள்ளதுடன், போபாலில் விமான சேவைகளும் பாதிக்கப்பட்டுள்ளன.

மேலும், டெல்லியை நேக்கி பயணித்த 13 ரயில்கள் தாமதமாகியுள்ளதுடன், நேற்று காலை 6 மணி முதல் 9 மணி வரை நிலவிய கடும் பனிமூட்டம் காரணமாக டெல்லி விமான நிலையத்தில் சுமார் 50 விமானங்கள் தாமதமாகியுள்ளது. 

டெல்லியில் கடந்த சில நாட்களாகவே, காலை மற்றும் இரவு நேரங்களில் அதிகமான பனிமூட்டம் காணப்படுகின்றது. இதன்காரணமாக பொதுமக்கள் கடும் சிரமத்திற்குள்ளாகி வருகின்றமை குறிப்பிடத்தக்கது.