3 முறை தோல்வியுற்ற தளபதி: இந்த முறை தனுஷிடம் மோதி ஜெயிப்பாரா?

தொடர்ந்து மூன்று முறை தனுஷிடம் மோதி தளபதி விஜய் தோல்விடைந்துள்ளார்.

ஏ.ஆர்.முருகதாஸ் இயக்கத்தில் தளபதி விஜய் சர்கார் படத்தில் பிஸியாக இருக்கிறார். இப்படத்தின் படப்பிடிப்பு முடிக்கப்பட்ட நிலையில்  போஸ்ட் புரோடக்‌ஷன் பணிகள் தொடங்ப்படயிருக்கிறது. வரும் தீபாவளியன்று திரைக்கு வரவுள்ள இப்படம் தமிழக திரையரங்க உரிமையில் ரூ.65 கோடிக்கு விற்பனை செய்யப்பட்டுள்ளது.

இந்த நிலையில்  சர்கார் படத்திற்கு போட்டியாக தனுஷின் எனை நோக்கி பாயும் தோட்டா வெளியாகவுள்ளது. இதுவரை தனுஷ் படத்துடன் விஜய் படம் மூன்று முறை வெளியாகியுள்ளது. ஆனால், 3 முறையும் தனுஷின் படம் அதிக பாக்ஸ் ஆபிஸ் வசூல் கொடுத்துள்ளது. இதனால், 4வது முறை மோதும் விஜய் படம் அதிக வசூல் குவிக்குமா? என்ற எதிர்பார்ப்பு எழுந்துள்ளது.

இதற்கு முன்னதாக, கடந்த 2007ம் ஆண்டு பொல்லாதவன் – அழகிய தமிழ் மகன் ஆகிய படங்கள் தீபாவளி தினத்தன்று வெளியாகியது. இதில், பொல்லாதவன் அதிக வசூல் குவித்தது. இதே போன்று, 2009ம் ஆண்டு படிக்காதவன் – வில்லு ஆகிய படங்கள் மோதின. இதிலும், படிக்காதவன் படம் தான் வசூலில் முதலிடம் பிடித்தது.

இதே வரிசையில்இ ஆடுகளம் – காவல் ஆகிய படங்கள் 2011ம் ஆண்டு மோதின. இதில், விஜய்யின் காவல் படம் அரசியல் சம்மந்தமாக பல பிரச்சனைகளை எதிர்கொண்டது. இதனால், பல இடங்களில் இப்படத்தின் வெளியீடு தள்ளிப் போனது. எனினும், வசூல் ரீதியாக இப்படத்திற்கு தோல்வி தான் கிடைத்துள்ளது.

இந்த நிலையில், தற்போது சர்கார் – எனை நோக்கி பாயும் தோட்டா ஆகிய படங்கள் தீபாவளிக்கு மோதவுள்ளன. இதிலாவது, தனுஷை தோற்கடித்து விஜய் ஜெயிப்பாரா என்பது ரசிகர்களின் எதிர்பார்ப்பாக உள்ளது. எனினும், சர்கார் அரசியல் பின்னணியை மையப்படுத்தி வருவதால், இப்படத்திற்கும் எதிர்ப்பு கிளம்பும் என்பது இப்படத்தின் போஸ்டர் வந்ததிலிருந்து அறிய முடிகிறது. இது போன்ற பிரச்சனைகளை எல்லாம் சமாளித்து படம் வெற்றி பெறும் என்று எதிர்பார்க்கப்படுகிறது.