விஜய் படத்தை இயக்குவது எனது கனவு: இயக்குனர் பொன்ராம்

விஜய் படத்தை இயக்குவது எனது கனவு என்று இயக்குனர் பொன்ராம் கூறியுள்ளார்.

வருத்தப்படாத வாலிபர் சங்கம், ரஜினி முருகன் ஆகிய படங்களை இயக்குனர் இயக்குனர் பொன்ராம். தற்போது சிவகார்த்திகேயனின் சீமராஜா படத்தையும் இயக்கியுள்ளார். இயக்குனர் பொன்ராம் மற்றும் எம்.ராஜேஷ் இருவரும் தளபதி விஜய்யின் தந்தை எஸ்.ஏ.சந்திரசேகரிடம் உதவி இயக்குனர்களாக பணியாற்றியுள்ளனர். முதன் முதலாக விஜய் நடிப்பில் வந்த தமிழன் படத்தில் பணியாற்றியுள்ளார்.

இந்த நிலையில், விஜய் படம் குறித்து அவர் கூறுகையில், எஸ்.ஏ. சந்திரசேகர் சார் தான் என்னுடைய குரு. இயக்குனர் ராஜேஷூம், நானும், 5 வருடம் அவருடன் பணியாற்றியிருக்கிறோம். தொடர்ந்து விஜய் அலுவலகத்திற்கு வந்த வண்ணம் இருப்பார். அப்போதெல்லாம், நாங்கள் அவரை பார்ப்போம். கண்டிப்பாக ஒருநாள் அவருடன் இணைந்து ஒரு படம் பண்ணுவேன். இது தான் எனது நீண்ட நாள் கனவு என்று அவர் கூறியுள்ளார்.