25 வயது காதலனுடன் நடந்த பிரியங்கா சோப்ராவின் திருமண நிச்சயதார்த்தம்

பாலிவுட் நடிகை பிரியங்கா சோப்ராவுக்கும்  அவருடைய காதலர் பாப் பாடகரான நிக் ஜோனாஸூக்கும் இன்று மும்பையில் நிச்சயதார்த்தம் நடந்துள்ளது.

பாலிவுட்டில் முன்னணி நடிகைகளில் ஒருவராக இருப்பவர் நடிகை பிரியங்கா சோப்ரா (35). அதிக சம்பளம் வாங்கும் நடிகையும் கூட. பாலிவுட்டைத் தொடர்ந்து கோலிவுட்  ஹாலிவுட் என்று அசத்தியுள்ளார். இந்த நிலையில்  அமெரிக்காவில் ஹாலிவுட் படங்களில் நடிக்கும் போதுஇ அங்கு பாப் பாடகராக இருக்கும் நிக் ஜோனசும் (25) காதலிக்க ஆரம்பித்துள்ளனர். 

இதையடுத்து  இவர்களது காதலை இருவீட்டாரும் ஏற்றுக்கொண்டனர். இதனால்  பொது நிகழ்ச்சிகளில் இருவரும் ஜோடியாக சென்று வருகின்றனர். அண்மையில் கூடஇ பிரியங்கா சோப்ரா தனது காதலரான நிக் ஜோனஸை மும்பைக்கு அழைத்து வந்து தனது குடும்பத்தாரிடம் அறிமுகம் செய்து வைத்துள்ளார்.

இதையடுத்து  இன்று இவர்களது திருமண நிச்சயதார்த்தம் மும்பையில் நடந்துள்ளது. இதற்காக நிக் ஜோனஸின் பெற்றோர் நேற்று முன்தினம் மும்பைக்கு வந்துள்ளனர். தொடர்ந்து பிரியங்கா சோப்ராவின் வீட்டிலேயே வைத்து இருவருக்கும் இந்திய முறைப்படி திருமண நிச்சயதார்த்தம் நடந்து முடிந்துள்ளது.

இந்த விழாவின்  பிரியங்கா சோப்ராவின் உறவினர்கள், நெருங்கிய நண்பர்கள் மட்டுமே கலந்து கொண்டனர். திருமண நிச்சயத்தார்த்தம் நிகழ்ச்சியின் போது எடுத்துக்கொண்ட புகைப்படங்கள் சமூக வலைதளங்களில் வேகமாக பரவி வருகிறது.