கருணாநிதி உடல்நிலையில் நலிவு - காவேரி மருத்துவமனை

கருணாநிதியின் உடல் நிலையில் நலிவு ஏற்பட்டுள்ள நிலையில் அவரை நேரில் சந்திக்க யாரும் வரவேண்டாம் என்று காவேரி மருத்துவமனை அறிக்கை வெளியிட்டுள்ளது. 

முன்னாள் முதல்வரும், தி.மு.க. தலைவருமான மு.கருணாநிதி வயது முதிா்வு, உடல் நலக்குறைவு காரணமாக கடந்த ஒன்றரை ஆண்டுகளுக்கும் மேலாக அரசியலில் இருந்து சற்று ஓய்வு பெற்று வீட்டில் இருந்தபடி மருத்துவ சிகிச்சைகளை மேற்கொண்டு வருகிறாா். 

தொடா்ந்து தொண்டா்களை உற்சாகப்படுத்தும் விதமாக கருணாநிதி அவரது பேரக் குழந்தையுடன் விளையாடும் காட்சிகள், குடும்ப உறுப்பினா்கள் கேட்கும் கேள்விக்கு மதிப்பளிக்கும் காட்சிகள் வெளியிடப்பட்டு வந்தன. 

இந்நிலையில் அவருக்கு கடந்த சில தினங்களுக்கு முன்னா் ட்ரக்யாமி குழாய் மாற்றம் செய்யப்பட்டது. இதனைத் தொடா்ந்து அவரது உடல் நிலையில் பாதிப்பு ஏற்பட்டுள்ளதாக தகவல்கள் வெளியாகின. இதனைத் தொடா்ந்து கட்சியின் செயல் தலைவா் மு.க.ஸ்டாலின் கருணாநிதிக்கு சாதாரண காய்ச்சல் தான் ஏற்பட்டுள்ளது தேவையின்றி பரப்பப்படும் வதந்திகளை யாரும் நம்ப வேண்டாம் என்று அவா் விளக்கினாா்.