இன்றைய நாள் எப்படி 21/07/2018

இன்று!

விளம்பி வருடம், ஆடி மாதம் 5ம் தேதி, துல்ஹாதா 7ம் தேதி,
21.7.18 சனிக்கிழமை, வளர்பிறை, நவமி திதி மாலை 6:35 வரை;
அதன்பின் தசமி திதி, சுவாதி நட்சத்திரம் மதியம் 2:19 வரை;
அதன்பின் விசாகம் நட்சத்திரம், அமிர்த, சித்தயோகம்.

* நல்ல நேரம் : காலை 7:30–9:00 மணி
* ராகு காலம் : காலை 9:00–10:30 மணி
* எமகண்டம் : மதியம் 1:30–3:00 மணி
* குளிகை : காலை 6:00–7:30 மணி
* சூலம் : கிழக்கு

பரிகாரம் : தயிர்
சந்திராஷ்டமம் : உத்திரட்டாதி, ரேவதி
பொது : சனீஸ்வரர் வழிபாடு.

மேஷம்: உங்களின் நற்செயல்களை சிலர் பரிகாசம் செய்யலாம். தொழில், வியாபாரத்தில் ஓரளவே லாபம் கிடைக்கும். பணியாளர்கள் பணிச்சுமையைத் திறம்பட சமாளிப்பர். பெண்கள் ஆடம்பரச் செலவைத் தவிர்ப்பது நல்லது.

ரிஷபம்: புதிய உற்சாகத்துடன் பணிகளில் ஈடுபடுவீர்கள். திகைப்பு தந்த பணியை எளிதாக நிறைவேற்றுவீர்கள். தொழில், வியாபாரத்தில் முதலீட்டை அதிகப்படுத்தி லாபம் காண்பீர்கள். அரசு வகையில் எதிர்பார்த்த நன்மை கிடைக்கும்.

மிதுனம்: மனக்குழப்பம் நீங்க குடும்பத்தினரின் உதவி கிடைக்கும். தொழில், வியாபாரத்தில் லாபம் சுமாராக இருக்கும். பணியாளர்கள் பணிச்சுமையைச் சந்திப்பர். பெண்கள் உடல்நலனில் அக்கறை கொண்டால் மருத்துவச் செலவை தவிர்க்கலாம்.

கடகம்: உங்களின் பேச்சில் மங்கலத்தன்மை நிறைந்திருக்கும். தொழில், வியாபாரத்தில் எதிர்பார்த்த பணவரவு கிடைக்கும். பணியாளர்கள் பணியிடத்தில் செல்வாக்குடன் திகழ்வர். குடும்பத்தினரின் தேவையறிந்து நிறைவேற்றுவீர்கள்.

சிம்மம்: சிலரது பேச்சு பாதிப்பை ஏற்படுத்தலாம். காலம் தந்த அனுபவ பாடத்தை மறக்க வேண்டாம். தொழில், வியாபாரத்தில் கூடுதல் பொறுப்பு ஏற்க நேரிடும். வருமானம் மிதமாக இருக்கும். வாகனத்தில் மிதவேகம் பின்பற்றவும்.

கன்னி: சமூக பொறுப்புடன் செயல்படுவீர்கள். நல்லவர்களின் அன்பும், ஆசியும் கிடைக்கும். தொழில், வியாபாரத்தில் வளர்ச்சிப்பணி திட்டமிட்டபடி நிறைவேறும். பணக்கடனில் ஒரு பகுதி அடைபடும். மாணவர்கள் படிப்பில் சிறந்த தரத்தேர்ச்சி காண்பர்.

துலாம்: உங்களிடம் புதியவரும் நட்பு பாராட்டுவர். தொழில், வியாபாரத்தில் வளர்ச்சியும், கூடுதல் வருமானமும் கிடைக்கும். பணியாளர்கள் பணியிலக்கை விரைந்து முடிப்பர். வெளியூரில் இருந்து எதிர்பார்த்த சுப செய்தி வந்து சேரும்.

விருச்சிகம்: செயலில் தாமதம் ஏற்படுவதால் வருத்தம் உண்டாகலாம். கூடுதல் உழைப்பு தொழில், வியாபாரம் வளர்ச்சி பெற உதவும். நண்பர் வகையில் திடீர் செலவு ஏற்படலாம். வாகன பயணத்தில் மிதவேகம் பின்பற்றவும். மாணவர்கள் படிப்பில் கூடுதல் அக்கறை செலுத்தவும்.

தனுசு: நற்செயலில் ஈடுபட்டு புகழ் பெறுவீர்கள். தொழில், வியாபாரத்தில் லாபம் சீராக இருக்கும். பணியாளர்கள் நிர்வாகத்தின் நம்பிக்கைக்கு உரியவராகத் திகழ்வர். அலைச்சலால் அசதிக்கு ஆளாகலாம். வெளியூர் பயணத்திட்டத்தில் திடீர் மாறுதல் உண்டாகும்.

மகரம்: சமூகத்தில் மதிப்பு உயரும். தொழில், வியாபார வளர்ச்சி திருப்திகரமாக இருக்கும். லாபம் பன்மடங்கு உயரும். பிள்ளைகள் விரும்பிய பொருள் வாங்கித் தருவீர்கள். பெண்கள் குடும்பத்துடன் விருந்து விழாவில் கலந்து கொள்வீர்கள்.

கும்பம்: பேச்சில் நேர்மை நிறைந்திருக்கும். புதிய நண்பர்களின் அறிமுகம் கிடைக்கும். தொழில், வியாபாரத்தில் பணவரவு எதிர்பார்த்தபடி இருக்கும். பணியாளர்கள் பணி விஷயமாக வெளியூர் செல்வர். பிள்ளைகளின் செயல்பாடு பெருமையளிக்கும்.

மீனம்: குடும்ப சிரமத்தை பிறரிடம் பேசக் கூடாது. தொழில், வியாபாரத்தில் வருகிற குறுக்கீடுகளை உடனுக்குடன் சரிசெய்வது நல்லது. லாபம் சுமாரராக இருக்கும். பணியாளர்கள் பணிச்சுமைக்கு ஆளாவர். இஷ்ட தெய்வ வழிபாடு நிம்மதிக்கு வழிவகுக்கும்.