வடிவேலு தலைமறைவு

இரண்டு கோடி மோசடி வழக்கில் எலி படத்தின் தயாரிப்பாளர் சதீஷ் கைது செய்யப்பட்டுள்ளதைத் தொடர்ந்து வடிவேலு தலைமறைவாகிவிட்டதாக தகவல் வெளியாகியுள்ளது.

இயக்குனர் யுவராஜ் தயாளன் இயக்கத்தில் வடிவேலு நடிப்பில் கடந்த 2015ம் ஆண்டு வெளிவந்த படம் எலி. இப்படத்தில் வடிவேலுவிற்கு ஜோடியாக ஜெயம் புகழ் சதா நடித்திருந்தார். இப்படத்தின் தயாரிப்பு செலவுக்காக தயாரிப்பாளர் சதீஷ், ராம்குமாரிடமிருந்து ரூ.1.5 கோடி பணம் பெற்றுள்ளார்.

இதற்கு வடிவேலு ஜாமீன் கையெழுத்துப் போட்டுள்ளார். ஆனால் படம் எதிர்பார்த்தபடி ஓடவில்லை. மேலும், படம் தோல்வியடைந்ததால்  தயாரிப்பாளர் சதீஷ் தான் கடனாக பெற்ற ரூ.1.5 கோடியை வட்டியுடன் சேர்த்து ராம்குமாருக்கு ரூ.2 கோடி கொடுக்க முடியவில்லை. இதையடுத்து, தொடர்ந்து ராம்குமார், பணம் கேட்டு வந்துள்ளார். இதன் காரணமாக பணத்தை வடிவேலுவிடம் வாங்கிக் கொள்ளும்படி தயாரிப்பாளர் சதீஷ் கூறியுள்ளார்.

இதன் விளைவாக வடிவேலு மற்றும் சதீஷ் ஆகியோர் மீது சென்னை குற்றப்பிரிவு போலிசில் ராம்குமார் புகார் அளித்துள்ளார். இந்த புகாரின் பேரில் சதீஷை கைது செய்த போலீசார் அவரிடம் விசாரணை மேற்கொண்டு வருகின்றனர். இந்த நிலையில், இந்த பிரச்சனையில் தானும் கைது செய்யப்பட்டுவிடுவேனோ என்ற பயத்தில், வடிவேலு தலைமறைமாகிவிட்டதாக தகவல் தெரிவிக்கின்றது.