சிகரெட் நிறுவனங்களிடம் பணம் வாங்கினாரா நடிகர் விஜய் - பகீர் கிளப்பும் ராமதாஸ்.!

நடிகர் விஜய் நடிப்பில், ஏ.ஆர் முருகதாஸ் இயக்கத்தில் உருவாகும் திரைப்படம் சர்கார். இத்திரைப்படத்தின் பர்ஸ்ட் லுக் போஸ்டர் கடந்த சில நாட்களுக்கு முன்னதாக வெளியிடப்பட்டது. போஸ்டரில் விஜய் புகைபிடித்தவாறு உள்ள காட்சி இடம்பெற்றிருந்தது. இதற்கு கடுமையான எதிர்ப்பு தெரிவித்திருந்தது பாமக.

இந்த நிலையில், பொதுக்கூட்டம் ஒன்றில் பேசிய பாமக நிறுவனர் ராமதாஸ், நான் பழைய ராமதாஸாக இருந்திருந்தால் தமிழகத்தின் ஒரு திரையரங்கிலும் சர்கார் திரைப்படம் ஓடியிருக்காது என பேசி அதிரடி கிளப்பியிருந்தார்.

அதே பொதுக்கூட்டத்தில், சிகரெட் நிறுவனங்களிடம் நடிகர் விஜய் மற்றும் அவரது புதிய திரைப்படத்தினை தயாரிக்கும் தயாரிப்பு நிறுவனம் ஆகியவை பெருமளவில் பணம் பெற்றதன் காரணத்தினாலேயே திரைப்படத்தில் இம்மாதிரியான காட்சிகள் வைக்கப்பட்டிருப்பதாகவும் ராமதாஸ் பேசியதாக சில தகவல்கள் அரசியல் வட்டத்தில் உலா வருகின்றன.

எது எப்படியோ திரைக்கவர்ச்சியினால் இளைஞர்கள் தீய பழக்கங்களுக்கு உள்ளாகின்றனர் என்பது மறுக்கவியலாத உண்மையே.