ரயிலில் ஏற முயன்றபோது தவறி விழுந்தவர் பலி! யாழ்.தென்மராட்சியில் சம்பவம்...

யாழ்ப்பாணத்தில் புகையிரத்தில் ஏற முற்பட்டபோது தவறி தண்டவாளத்தில் விழுந்து காயமடைந்த நபர் சிகிச்சை பலனின்றி உயிரிழந்துள்ளார்.

சாவகச்சேரி சங்கத்தானையைச் சேர்ந்த மாணிக்கம் விஜயரட்ணம் (வயது 69) என்பவரே உயிரிழந்துள்ளார்.

கடந்த 8 ஆம் திகதி இரவு தச்சன்தோப்பு புகையிரத நிலையத்தில் இருந்து புகையிரதத்தில் ஏற முற்பட்டபோது தவறி தண்டவாளத்தில் விழுந்துள்ளார்.

உடனடியாக, மீட்கப்பட்டு சாவகச்சேரி வைத்தியசாலையில் அனுமதிக்கப்பட்டு, 

மேலதிக சிகிச்சைக்காக யாழ்.போதனா வைத்தியசாலையில் அனுமதிக்கப்பட்ட நிலையில், அங்கு சிகிச்சை பலனின்றி நேற்று முன்தினம் உயிரிழந்துள்ளார்.