சர்கார் பர்ஸ்ட் லுக்கிற்கு கிளம்பியது எதிர்ப்பு : காவல் ஆணையர் அலுவலகத்தில் புகார்!

ஏ.ஆர்.முருகதாஸ் இயக்கத்தில் விஜய் நடிக்கும் படம் சர்கார். இப்படத்தின் பர்ஸ்ட் லுக் போஸ்டர் வெளியாகி நல்ல வரவேற்பு பெற்றது. இப்படத்தில் விஜய் ஜோடியாக கீர்த்தி சுரேஷ் நடிக்கிறார். தவிர, வரலட்சுமி சரத்குமார், ராதாரவி ,பழ.கருப்பையா நடிக்கின்றனர். ஏ.ஆர்.ரகுமான் இசையமைக்கும் இப்படத்துக்கு கிரீஸ் கங்காதரன் ஒளிப்பதிவு செய்கிறார். 

இந்நிலையில் சர்கார் படத்தில் விஜய் புகைபிடிக்கும் காட்சிகளை நீக்க நடவடிக்கை எடுக்க கோரி சென்னை காவல் ஆணையர் அலுவலகத்தில் புகார் அளிக்கப்பட்டுள்ளது. 

சமீபத்தில் சர்கார் படத்தின் பர்ஸ்ட் லுக் போஸ்டர் வெளியானது. அதில் நடிகர் விஜய் புகைப்பிடிப்பது போல இருந்தது. இந்நிலையில் அதை ரசிக்கும் ரசிகர்களும், புகைப்பழக்கத்தை பின்பற்றும் அபாயம் உள்ளதாக எதிர்ப்பு எழுந்துள்ளது.