இன்றைய நாள் எப்படி 05/06/2018

இன்று!
விளம்பி வருடம், வைகாசி மாதம் 22ம் தேதி, ரம்ஜான் 20ம் தேதி,
5.6.18 செவ்வாய்க்கிழமை, தேய்பிறை, சஷ்டி திதி காலை 6:43 வரை;
அதன்பின் சப்தமி திதி, அவிட்டம் நட்சத்திரம் மதியம் 3:39 வரை;
அதன்பின் சதயம் நட்சத்திரம், சித்த, மரணயோகம்.

* நல்ல நேரம் : காலை 7:30–9:00 மணி
* ராகு காலம் : மதியம் 3:00–4:30 மணி
* எமகண்டம் : காலை 9:00–10:30 மணி
* குளிகை : மதியம் 12:00–1:30 மணி
* சூலம் : வடக்கு

பரிகாரம் : பால்
சந்திராஷ்டமம் : பூசம்,ஆயில்யம்
பொது : பெருமாள், பைரவர் வழிபாடு.

மேஷம்: தாமதமான செயலில் அனுகூலம் தேடி வரும். நல்லவர்களின் அறிமுகமும், நட்பும் கிடைக்கும். தொழிலில் உற்பத்தி விற்பனை வியத்தகு அளவில் வளர்ச்சி பெறும். லாபம் உயரும். பெண்கள் வீட்டு உபயோகப் பொருள் வாங்குவர்.

ரிஷபம்: சங்கடமான சூழ்நிலை மறையும். தொழில் வியாபாரத்தில் திடீர் பொறுப்பு அதிகரிக்கும். பணவரவு கூடும். பணியாளர்கள் பணிச்சுமையில் இருந்து விடுபடுவர் பிராணிகளிடம் விலகுவது நல்லது. அரசு வகையில் நன்மையை எதிர்பார்க்கலாம்.

மிதுனம்: உடல்நலத்தில் கவனம் அவசியம். திட்டமிட்ட செயல் நிறைவேறுவதில் தாமதம் உண்டாகும். தொழில் வியாபாரம் சீர்பெற நண்பரின் உதவி கிடைக்கும். வருமானம் சீராக இருக்கும். வாகனத்தில் மிதவேகம் பின்பற்றவும். பெண்களுக்கு தாய்வீட்டாரின் உதவி உண்டு.

கடகம்: உங்களின் கருத்துக்கு குடும்பத்தினர் மதிப்பளிப்பர். தொழில், வியாபார வளர்ச்சியால் ஆதாயம் அதிகரிக்கும். பணியாளர்கள் பணி விஷயமாக வெளியூர் செல்வர். வாகனப் பயணம் இனிதாக அமையும். விருந்து விழாவில் கலந்து கொள்வீர்கள்.

சிம்மம்: உங்களை சிலர் குறை சொல்ல காத்திருப்பர். செயல்களில் சுறுசுறுப்புடன் ஈடுபடுவது அவசியம்.தொழில், வியாபாரத்தில் நிலுவைப்பணி நிறைவேறும்.பணவரவு சுமாராக இருக்கும். இஷ்ட தெய்வ வழிபாட்டால் மனதில் புத்துணர்வு பிறக்கும்.

கன்னி: நண்பரிடம் எதிர்பார்த்த உதவி கிடைக்கும். பிள்ளைகளின் நற்செயலால் பெருமிதம் கொள்வீர்கள்.தொழில் வியாபாரத்தில் புதிய சாதனை உருவாகும். சேமிக்கும் விதத்தில் ஆதாயம் கிடைக்கும். பணியாளர்களுக்கு எதிர்பார்த்த சலுகை கிடைக்கும்.

துலாம்: எதிர்கால நலனில் அக்கறை கொள்வீர்கள். தொழில் வியாபாரம் சராசரி அளவில் இயங்கும்.பிறர் பார்வையில் அதிக பணம் செலவு செய்ய வேண்டாம். பணியாளர்கள் நிர்வாகத்தின் குறிப்பறிந்து நடப்பது நல்லது. தாயின் அன்பும் ஆசியும் கிடைக்கும்.

விருச்சிகம்: இஷ்ட தெய்வ அனுகிரகத்தால் நன்மை உண்டாகும். அக்கம் பக்கத்தவர் அன்பு பாராட்டுவர். தொழில் வியாபாரத்தில் வளர்ச்சி நிலை திருப்திகரமாக இருக்கும். எதிர்பார்த்த வருமானம் கிடைக்கும். புத்திரர் விரும்பிய பொருள் வாங்கித் தருவீர்கள்.

தனுசு: நல்லவர்களின் அறிமுகமும், நட்பும் கிடைக்கும். குடும்பத்தினர் அதிக அன்பு பாராட்டுவார். தொழில் வியாபாரத்தில் இருக்கிற குறுக்கீடு விலகும். வருமானம் உயரும். பணியாளர்களுக்கு சக ஊழியர்களின் உதவி கிடைக்கும். குடும்பத்தில் மகிழ்ச்சி நிறைந்திருக்கும்.

மகரம்: உங்களின் நற்செயலை சிலர் பரிகாசம் செய்யலாம். தொழில், வியாபாரத்தில் வளர்ச்சிப்பணி நிறைவேற தாமதமாகும். மிதமான பணவரவு கிடைக்கும். திடீர் செலவால் சேமிப்பு பணம் கரையும். பெண்கள் எவருக்கும் தகுதி மீறிய வாக்குறுதி தர வேண்டாம்.

கும்பம்: பேச்சு, செயலில் நிதானம் பின்பற்றுவீர்கள். தொழில் வியாபாரத்தில் லாபம் சீராக இருக்கும். பணியாளர்கள் பணிச்சுமையால் இருந்து விடுபடுவர். பெண்களுக்கு உடல்நலனில் அக்கறை தேவை. வெளியூர் பயணத்தில் திடீர் மாற்றம் உண்டாகும்.

மீனம் : மனதில் உற்சாகம் அதிகரிக்கும். தொழில் வியாபாரத்தில் கடந்த கால உழைப்பின் பயன் கிடைக்கப்பெறுவீர்கள். லாபம் உயரும். பணியாளர்கள் சலுகை கிடைக்கப் பெறுவர். பெண்கள் குடும்பத்தினருடன் விருந்து விழாவில் பங்கேற்பர்.