இன்றைய நாள் எப்படி 04/06/2018

இன்று!

விளம்பி வருடம், வைகாசி மாதம் 21ம் தேதி, ரம்ஜான் 19ம் தேதி,
4.6.18 திங்கட்கிழமை, தேய்பிறை, சஷ்டி திதி நாள் முழுவதும்,
திருவோணம் நட்சத்திரம் மதியம் 1:27 வரை;
அதன்பின் அவிட்டம் நட்சத்திரம் அமிர்த, சித்தயோகம்.

* நல்ல நேரம் : காலை 6:00–7:30 மணி
* ராகு காலம் : காலை 7:30–9:00 மணி
* எமகண்டம் : காலை 10:30–12:00 மணி
* குளிகை : மதியம் 1:30–3:00 மணி
* சூலம் : கிழக்கு

பரிகாரம் : தயிர்
சந்திராஷ்டமம் : புனர்பூசம்,பூசம்
பொது : முகூர்த்தநாள், வாஸ்து நாள் பூஜை நேரம் காலை 9:58—10:34 மணி

மேஷம்: பணியில் திறமையை வெளிப்படுத்தி வருவீர்கள். கடந்த கால உழைப்பின் பயனால் நன்மை அதிகரிக்கும்.தொழில் வியாபாரத்தில் லாபம் உயரும். நிலுவைப் பணம் வசூலாகும். உறவினரின் அன்பும், ஆதரவும் கிடைக்கும்.

ரிஷபம்: குடும்ப பிரச்னையை பிறரிடம் சொல்ல வேண்டாம்.தொழில் வியாபாரத்தில் இருக்கிற அனுகூலம் பாதுகாக்க வேண்டும். மிதமான பணவரவு கிடைக்கும். உடல்நலனில் அக்கறை தேவை. எதிர்பார்த்த செய்தி கிடைப்பதில் தாமதம் ஆகும்.

மிதுனம்: சூழ்நிலை அறிந்து செயல்படுவது நல்லது. தொழில், வியாபாரத்தில் அளவான மூலதனம் போதும். உறவினர் வகையில் திடீர் செலவு அதிகரிக்கும். சீரான ஓய்வு உடல்நலம் பாதுகாக்கும். பிள்ளைகளின் எதிர்கால நலனுக்காக பாடுபடுவீர்கள்.

கடகம்: பேச்சில் உறுதி தன்மை நிறைந்திருக்கும். மற்றவர் விமர்சனத்தை பொருட்படுத்த வேண்டாம். தொழில், வியாபாரத்தில் தாராள வளர்ச்சி உண்டாகும். ஆதாயம் அதிகரிக்கும். குடும்பத்தில் ஒற்றுமை மகிழ்ச்சியும் மேலோங்கும்.

சிம்மம்: உங்களிடம் உதவி பெற்றவர் நன்றி பாராட்டுவர். குடும்பத்தினரின் ஆதரவு கிடைக்கும். தொழில், வியாரத்தில் பணவரவு அதிகரிக்கும். வெளியூர் பயணத் திட்டத்தில் திடீர் மாறுதல் ஏற்படும். மனைவியின் ஆலோசனை வளர்ச்சிக்கு வழிவகுக்கும்.

கன்னி: திட்டமிட்டபடி செயல் நிறைவேறும். இஷ்ட தெய்வ அருளால் நன்மை அதிகரிக்கும். தொழில், வியாபாரத்தில் கூடுதல் மூலதனம் செய்வீர்கள். லாபம் பன்மடங்கு உயரும்.புத்திரர் விரும்பிய பொருள் வாங்கித் தருவீர்கள்.

துலாம்: மனதில் இனம் புரியாத கவலை உருவாகலாம். சிரமத்தை சரிசெய்ய நல்லவர்களின் உதவி கிடைக்கும். தொழில் வளர்ச்சிக்காக கூடுதல் கவனம் செலுத்துவீர்கள். பணவரவு பெறுவதில் இருந்த தாமதம் விலகும். இஷ்ட தெய்வ வழிபாடு அவசியம்.

விருச்சிகம்: சிந்தனையில் புதுமை நிறைந்திருக்கும். முன்யோசனையுடன் பேசி நன்மை பெறுவீர்கள். தொழில், வியாபாரத்தில் குறுக்கிட்ட இடையூறு விலகும். ஆதாயம் திருப்தியளிக்கும். குடும்பத்துடன் விருந்து, விழாவில் பங்கேற்பீர்கள்.

தனுசு: நண்பருக்கு இயன்ற அளவில் உதவி செய்வீர்கள். தொழில், வியாபாரத்தில் அபரிமிதமான வளர்ச்சி ஏற்படும்.புத்திரர் விரும்பிய பொருள் வாங்கித் தருவீர்கள். பணியாளர்களுக்கு கூடுதல் வேலைவாய்ப்பு சலுகை கிடைக்கும். பெண்கள் ஆடை, ஆபரணம் வாங்குவர்.

மகரம்: லட்சிய எண்ணத்துடன் செயல்படுவீர்கள். தொழில், வியாபாரத்தில் லாபம் சீராக இருக்கும். பெண்களுக்கு வீட்டுச்செலவில் தாராளமாக இருப்பர். மனம் போல ஆடை, ஆபரணம் சேரும். இஷ்ட தெய்வ வழிபாட்டில் ஈடுபடுவீர்கள்.

கும்பம்: யாருக்கும் தகுதி மீறி வாக்குறுதி தராதீர்கள். தொழில், வியாபாரத்தில் மாறுபட்ட சூழலால் தொந்தரவுக்கு ஆளாகலாம். லாபம் சுமாராக இருக்கும். இயந்திர தொழிற்சாலை பணியாளர்கள் விழிப்புடன் இருப்பது அவசியம்.

மீனம்: வளர்ச்சிக்கான வாய்ப்பு கிடைக்க பெறுவீர்கள். தொழில், வியாபாரத்தில் சாதனை இலக்கு பூர்த்தியாகும். குடும்பத் தேவை தாராள செலவில் நிறைவேறும். பணியாளர்களுக்கு சலுகை கிடைக்கும். பெண்கள் கணவரின் அன்பை பெற்று மகிழ்வர்.