இன்றைய நாள் எப்படி 30/05/2018

இன்று!

விளம்பி வருடம், வைகாசி மாதம் 16ம் தேதி, ரம்ஜான் 14ம் தேதி,

30.5.18 புதன்கிழமை, தேய்பிறை, பிரதமை திதி இரவு 9:44 வரை;

அதன் பின் துவிதியை திதி, கேட்டை நட்சத்திரம் இரவு 3:30 வரை;

அதன் பின் மூலம் நட்சத்திரம், சித்த, மரணயோகம்.

* நல்ல நேரம் : காலை 9:00–10:30 மணி
* ராகு காலம் : மதியம் 12:00–1:30 மணி
* எமகண்டம் : காலை 7:30–9:00 மணி
* குளிகை : காலை 10:30–12:00 மணி
* சூலம் : வடக்கு

பரிகாரம் : பால்
சந்திராஷ்டமம் : கார்த்திகை
பொது : சிவன் வழிபாடு, கரிநாள்.

மேஷம்: எதிர்கால வளர்ச்சிக்கான பணிகளில் ஈடுபடுவீர்கள். தொழில் வியாபாரத்தில் அபரிமிதமான வளர்ச்சி உண்டாகும். ஆதாயம் அதிகரிக்கும். மனைவி விரும்பிய பொருள் வாங்கித் தருவீர்கள். அரசு வகையில் நன்மை கிடைக்க வாய்ப்புண்டு.

ரிஷபம்: பேச்சில் நிதானத்தைக் கடைபிடிப்பது நல்லது. தொழில் வியாபாரம் மந்த கதியில் நடக்கும். லாபம் சுமாராக இருக்கும். பணியாளர்கள் பணிச்சுமைக்கு ஆளாகலாம். பெற்றோர் உடல்நலனில் அக்கறை தேவை.

மிதுனம்: சவால்களை திறமையுடன் எதிர்கொள்வீர்கள். தொழில் வியாபாரத்தில் லாபம் பன்மடங்கு அதிகரிக்கும். பணியாளர்கள் எதிர்பார்த்த சலுகை வந்து சேரும். அரசியல்வாதிகள் பொறுப்பான பதவி பெற யோகம் உண்டு.

கடகம்: நண்பர்களால் நன்மை உண்டாகும். தொழில், வியாபார விஷயமாக வெளியூர் செல்ல நேரிடும். பணவரவு சீராக இருக்கும். உறவினர் வீட்டு சுபநிகழ்ச்சியில் கலந்து கொள்வீர்கள். பெண்கள் வீட்டு உபயோகப் பொருள் வாங்குவர்.

சிம்மம்: அறிமுகம் இல்லாதவர்களிடம் நெருக்கம் வேண்டாம். தொழில் வியாபாரத்தில் லாபம் சுமாராக இருக்கும். பணியாளர்கள் பணிச்சுமைக்கு ஆளாவர். உடல்நலனில் அக்கறை தேவை. பிள்ளைகளின் நற்செயல் நிம்மதிக்கு வழிவகுக்கும்.

கன்னி: நண்பரின் செயல்பாட்டால் சிரமத்திற்கு ஆளாகலாம். தொழில், வியாபாரத்தில் மிதமான ஆதாயம் கிடைக்கும். பணியாளர்கள் பணிவிஷயமாக வெளியூர் செல்வர். அலைச்சலால் உடல் அசதிக்கு ஆளாகலாம். வாகனத்தில் மிதவேகம் நல்லது.

துலாம்: உற்சாக மனப்பான்மை உண்டாகும். திட்டமிட்ட பணியை ஆர்வமுடன் நிறைவேற்றுவீர்கள்.தொழிலில் உற்பத்தி விற்பனை வியத்தகு அளவில் முன்னேற்றம் பெறும். வருமானம் அதிகரிக்கும். பெண்கள் வீட்டு உபயோகப் பொருள் வாங்குவர்.

விருச்சிகம்: உறவினர்களால் உதவி கிடைக்கும். தொழில், வியாபாரத்தில் லாபம் திருப்திகரமாக இருக்கும். பணியாளர்கள் எதிர்பார்த்த சலுகை கிடைக்கும். குடும்பத்தில் மங்கல நிகழ்வு உண்டாகும். பெண்கள் ஆடை, ஆபரணம் வாங்குவர்.

தனுசு: மனதில் குழப்பம் ஏற்பட்டு விலகும். தொழில், வியாபாரத்தில் குறுக்கிடும் தடையை சரிசெய்வது அவசியம். லாபம் சுமாராக இருக்கும்.பணியாளர்கள் பணிவிஷயமாக வெளியூர் செல்வர். வாகனத்தில் மிதவேகம் பின்பற்றவும்.

மகரம்: லட்சிய நோக்கில் செயல்படுவீர்கள். தொழில், வியாபாரத்தில் மூலதனம் அதிகம் தேவைப்படும். லாபம் சீராக இருக்கும். பணியாளர்களுக்கு பணி மாற்றம் ஏற்பட வாய்ப்புண்டு. உடல்நிலை திருப்திகரமாக இருக்கும்.

கும்பம்: நண்பரின் ஆலோசனை வளர்ச்சிக்கு துணைநிற்கும். தொழிலில் உற்பத்தி விற்பனை அதிகரிக்கும். ஆதாயம் பன்மடங்கு உயரும். எதிர்பார்த்த சுபசெய்தி வந்து சேரும். பெண்கள் பிள்ளைகளின் நலனில் அக்கறை கொள்வர். அரசு வகையில் நன்மை உண்டு.

மீனம்: சுயநலத்துடன் சிலர் நெருங்கிப் பழகலாம் கவனம். தொழிலில் நிலுவைப்பணிகளை நிறைவேற்றுவது நல்லது. லாபம் சுமார். பணியாளர்கள் பணிச்சுமைக்கு ஆளாவர். பெண்கள் நகை, பணம் இரவல் கொடுக்க, வாங்க வேண்டாம்.